भांगरभूंय | प्रतिनिधी
केंद्रीय पर्यटन मंत्र्याची राजसभेंत म्हायती
भांगरभूंय । प्रतिनिधी
पणजीः गोंयांतल्या खोतीगांवाची पोरूं सगळ्यांत उत्कृश्ट पर्यटन गांव म्हूण निवड जाल्या. गोंयांतल्या 35 गांवां मदीं खोतीगांवाची निवड जाल्या, अशी म्हायती पर्यटन मंत्री गजेंद्र सिंह शेखावत हांणी राज्यसभेंत लेखी जापेंत दिल्या.
सांस्कृतीक आनी सैमीक गिरेस्तकाय तिगोवन दवरपी आदर्श पर्यटन थळांक भोवमान दिवपा खातीर पर्यटन मंत्रालयान उत्कृश्ट पर्यटन गांव म्हूण सर्त आयोजीत केल्ली. तातूंत दायज, शेतकी पर्यटन, हस्तकला, जापसालदार पर्यटन, तेजस्वी गांव, साहसी पर्यटन, समाज आदारीत पर्यटन आनी भलयाकी हे श्रेणी खाला सर्तीं खातीर अर्ज मागयल्ले. जिल्हो, राज्य आनी राष्ट्रीय पांवड्यार हांचें मुल्याकंन जावन उत्कृश्ट पर्यटन गांव सर्त 2023 हे पयले आवृत्तेंत 35 गावांची निवड जाल्ली. तातूंत 35 मदल्या गोंयचे खोतीगांव हें वळेरेचे अखेरेक आसा. खोतीगांव हे सर्तींत काश्यां पदक जिखून 35 वे सुवातेर आयला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
