भांगरभूंय | प्रतिनिधी
विमान पळयतकूच अजब जातालें, हें अशे कशें कोणाचो आधार घेनासतना कशें वता काय? हातूंत बसपाक मेळटलें? असो विचारूय येतालो, पूण हालीच्या दिसांनी सामान्य मनीस लेगीत हातूंतल्यान प्रवास करूं शकता. देशांत ल्हान- ल्हान शारां विमानतळांनी जोडल्यांत. ह्या फाट्यांत करियर करपा विशीं तरणाटे चिंतूक लागले तर तें अजब न्हय. गोंयांत तर दाबोळी वांगडा मनोहर आंतरराष्ट्रीय विमानतळ मोदीजीन उक्तो केलो आनी करियर करपाचे जायत्या जणांच्या मनान येवपाक लागलें. कोण पायलट जावपाक सोदतालो तर कोण हवाई सुंदरी. हें मतीन दवरून गोंयांन मडगांवा केबिन क्रू हवाई सुंदरी सारकें प्रशिक्षण दिवपी डिप्लोमा कोर्स शिकपाची तजवीज ग्रिफन अकादमीन फातोड्ड्यां मडगांवां सुरु केली
विमान फाट्यांत तुमकां नोकरेची संद आसता, पूण ताचे खातीर प्रशिक्षण जाय पडटा. सुदैवान ही गरज वळखून सोनाली नाईक हांणी इंडिगोतलो अणभव घेवन ग्रिफिन अकादमी सुरु केली आनी तातूंत सुरवातीक स म्हयन्यांचो तशेंच इकरा म्हयन्यांचो डिप्लोमा कोर्स सुरु केलो. हें तांचें चवथें वर्स आनी तांच्या बराचश्या विद्यार्थ्यांक खंयच्या ना खंयच्या विमान कंपनींत रोजगार मेळ्ळा. नोकरी मेळपाक अकादमी तुमकां मजत करता.
बरेच फावट आमकां खूब खबर आसता, हें जरी खरें आसलें तरी जो मेरेन तुमी ते उपेगाक हाडीनात तो मेरेन ताका काय महत्व आसना आत्मविस्वास जाय तो सगल्या लागीं आसता अशें ना म्हूण प्रशिक्षण आसप गरजेचें आसता हे अकादमीन तुमचे भितरलो आत्मविस्वास भायर काडून ताचो व्यवस्थित उपेग कसो करप? हाची म्हायती मेळटा. डिप्लोमा इन एव्हिएशन अँड हॉस्पिटॅलिटी मॅनेजमेंट डिप्लोमा इन एव्हिएशन मॅनेजमेंट अशें 11 म्हयन्याचें आनी 6 म्हयन्यांचे कोर्स हांगा शिकपाक मेळटा. विद्यार्थ्यांचे गट आशिल्ल्या कारणान प्रत्येकाचेर लक्ष दिवप सोंपें जाता. ह्या अकादमीच्यो निर्माती सोनल म्हणटा की विमानसेवक काम करपी कर्मचारी हें संवादां भितर प्रशिक्षित आसूंक जाय कित्याक तर विमान प्रवासी आंतरराष्ट्रीय पातळीवेले आसता. सोनल हें विमान कंपनीन काम करून आयिल्ले अनुभवी कर्मचारी आशिल्ल्या कारणान विमान कंपनीचो नेमक्यो कितें आसात? हाची म्हायती आसा. जायत्या वेळार आमचे कडे शिक्षण आसता हें खरें, पूण नोकरेक जाय ती कुशळटाय आसतातच अशें ना. हे अकादमींतल्या कोर्साचो तुमकां कुळटाय शिकपाक फायदो जाता, जो तुमकां विमानसेवेंत कामाक येवं शकता. कोर्स केल्ल्या विद्यार्थ्यांक नोकरी मेळपाक कठीण ना खेरीज अकादमीचे मनीस तुमकां ती नोकरी मेळची म्हूण यत्न करतातूच. तुमकां नोकरे खातीर तयार करप हें पयलें काम. मागीर बाकीच्यो गजाली येता. विमान कंपनी ही देशा भितर आशिल्ल्या कारणान तुमकां नोकरेची अधिकाधिक संधी मेळू शकता, आता तर देशा भितरले विमानतळाचें जाळें वाडत आसा. ल्हान शारांनी विमानां वचपाक लागल्यांत. तांका प्रशिक्षित कर्मचारी जाय आसता. ही नेमकी गरज ग्रिफिन अकादमीच्या सोनालीन जाणल्या. तें म्हणटा, गोंयांतल्या भुरग्यांक मार्गदर्शन जर मेळत तर तांची कुशळटाय वाडटली.
खंयच्याय फांट्याचो विद्यार्थी ह्या कोर्साचो लाव घेवं शकता. इत्सुक विद्यार्थ्यांनी फातोड्डें मडगांव ग्रिफन अकादमी 212 A, दुसरी माळी, लेक प्लाझा इमारत, स्टेडियमा मुखार, मडगांव फोन (63609 58949) हांगां संपर्क करचो आनी एका वेगळ्या फाट्याक हात घालचो. हे नोकरेचे लाव बरेच आसात. एक म्हळ्यार तुमकां, तुमच्या कुटुंबाक प्रवास करूंक मेळटा. हातूंतले आनीक लाव तुमी मुख्य संयोजक सोनल हांकां विचारूं शकतात. विमान सेवेन पायलट जावपाची खुब संद आसली तरी हांचें शिक्षण घेवपाक तुमकां गोंयां भायर वच्चें पडटा खेरीज तुमी विज्ञान फाट्याचे विद्यार्थी आसपाक जाय, पूण डिप्लोमा करपाचें शिक्षण खंयच्याय फाट्याच्या विद्यार्थ्याक आनी तेंय बी गोंयांनूच उपलब्ध करून तुमची बरी तजवीज केल्या. ताचो लाव जरूर घेवचो.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
