भांगरभूंय | प्रतिनिधी
भांगरभूंय । प्रतिनिधी
पणजी : रेल्वे उड्डाण पुलाच्या कामाक लागून गवंडाळी रस्तो 30 मे 2026 मेरेन सकाळीं आनी रातचो बंद उरतलो अशें गोंय मुळाव्या सादन सुविदा म्हामंडळान कळींत केलां. हो रस्तो रातीं 9 ते सकाळीं 6 मेरेन आनी सकाळीं 10 ते सांजेच्या 5 मेरेन येरादारी खातीर बंद उरतलो. हाका लागून रस्तो सकाळीं 6 ते 10 मेरेन आनी सांजेच्या 5 ते रातीं 9 मेरेन उक्तो आसतलो.
रस्तो बंद आसतना खोर्ले आनी बाणास्तारी मार्गान संबंदीत लोकांक येरादारी करची पडटली. गवंडाळी रेल्वे क्रॉसिंगाचेर रेल्वे उड्डाण पूलाचे काम फाटले वर्साच सुरू जालां. बुनियाद तशेंच खांबे (पिलार) उबारपाचो वावर पुराय जाला. आता खांब्यांचेर स्लॅब (लादयो) घालपाचें काम सुरू जातले. हाका लागून रातीं तशेंच दिसाची येरादारी बंद करपा बगर हेर पर्याय आसचो ना. सकाळीं 6 ते 10 मेरेन आनी सांजेच्या 5 ते 6 मेरेन येरादारीचे प्रमाण चड आसता. बाणास्तारी, खोर्ले मार्गाचेर येरादारीची कोयंडी जावची न्हय म्हूण ह्या वेळार रस्तो उक्तो दवरपाचो निर्णय घेतला. पोरणे गोंय फिशरमॅन ट्रेनिंग सेंटर ते धेंपो फुटबॉल मैदाना मेरेनचो रस्तो बंद आसतलो. हेर रस्तो सुरू आसतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
