भांगरभूंय | प्रतिनिधी
जोयडा : अस्तंत घांटांत सुरू आशिल्ल्या उटंगाराक लागून बंगळुरू ते मंगळुरू ह्या रेल्वे मार्गार खुबश्या सुवातांचेर पालसणां कोसळिल्ल्यान येरादारी विस्कळीत जाल्या.
सकलेशपूर म्हालांतल्या एडकुमारी वाठारांत व्हडा प्रमाणांत पालसणां कोसळिल्ल्यान प्रवासी तशेच मालगाडयांची येरादारी तात्पुरती बंद केल्या. रेल्वे विभागाचे म्हायती प्रमाण वट्ट ७ किलोमीटरच्या पट्ट्यांत १५ सुवातांचेर पालसणां कोसळिल्ल्यान रेल्वेच्या रुळांचेर उदक सांठून उरलां.
हाका लागून श्रीवागिलु ते एडकुमारी, एडकुमारी ते कडगरवळी आनी कडगरवळी ते डोणिगल ह्या वाठारांतलो रेल्वे मार्ग बंद जाला. रेल्वेचो पंगड घडणुके सुवातेर दाखल जाल्ल्यान येरादारी सुरळीत करपा खात्रीर पर्यायी मार्गांचो वापर सुरू केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
