भांगरभूंय | प्रतिनिधी
बायलांचे ज्युनियर आशिया करंड हॉकी सर्तींत भारताच्या पंगडान आपले पयले मॅचींत उझ्बेकिस्तान पंगडाक वट्ट 22-0 अशा व्हड गोल फरकांनी हारयलो.
सर्त जपानाच्या काकामिगाहारा शारांत चालू आसा. भारताचे अन्नून वट्ट स गोल केले. तिणें 13व्या, 29व्या, 30व्या, 38व्या, 43व्या आनी 51व्या मिनटाक गोल केले. वैष्णवी विठ्ठल फाळकेन तिसऱ्या मिनटाक आनी 56व्या मिनटाक गोल केले. मुमताझ खानान 6व्या, 44व्या, 47व्या आनी 60व्या मिनटाक गोल केले. सुनेलिता टोप्पोन 17व्या 18व्या मिनटाक, मुंजू चौरासियान 26व्या मिनटाक एक, दिपिका सोरेंगान 18व्या आनी 25व्या मिनटाक, दिपिकान 32व्या, 44व्या, 46व्या आनी 57व्या मिनटाक गोल केले आनी निलमान 47व्या मिनटाक गोल केलो.
भारताच्या वैष्णवीन तिसऱ्या मिनटाक पॅनल्टी कॉर्नराचेर गोल करून भारताचें खातें उगडलें. ते उपरांत मुमताझान भारताची आघाडी वाडोवपाक सुरवात केली. तातूंत अन्नून लेगीत योगदान दिवपाक सुरवात केली. पयल्या क्वॉर्टरांत भारतान 3-0 अशी आघाडी घेतिल्ली.
दुसऱ्या क्वॉर्टरांत भारतान आपलो शेक दवरपाक सुरवात केली. मध्यांतरा मेरेन सुनेलिता, मंजू, दिपिका आनी अन्नू हांणी ही आघाडी 10-0 अशी केली.
दुसऱ्या अर्दांत लेगीत परिस्थिती तशीच आशिल्ली. दिपिका अन्नून आघाडी 13चेर व्हेली. ते उपरांत मुमताझ आनी दिपिका हांणी दोन करून तिसऱ्या क्वॉर्टरा मेरेन 15-0 अशी आघाडी केली.
भारताच्यो खेळगडयो प्रतिस्पर्धी पंगडाच्या गोलपोस्टाचेर एका फाटल्यान एक गोल करीत आशिल्ल्यो. चवथ्या क्वॉर्टरांत भारतान सात गोल केले. भारत आपली फुडली मॅच 5 जूनाक मलेशिया आड खेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
