भांगरभूंय | प्रतिनिधी
भांगरभूंय । प्रतिनिधी
मडगांवः कुंकळ्ळी मतदारसंघात पाड्ड्या दोंगोरार, काणकोणा तालुक्यांत चापोली धरण वाठारांत उजो लागपाचे जे प्रकार जाले ताची निवृत्त न्यायाधीशा वरवीं चवकशी करपाची मागणी विरोधी पक्ष फुडारी युरी आलेमांव हांणे केल्या. गोंयचो पांचवोशार वाठार ह्या उज्याक लागून ना नपयत जाता हाची सरकारान गंभीरपणान दखल घेवपाक जाय अशें तांणे सांगलें.
राज्यांत फेब्रुवारी आनी मार्च म्हयन्यांत उजो लागपाच्या घडणुकांत व्हडा प्रमाणांत वाड जाली. पर्यावरम संवेदनशील वाठारांत उजो लागचो न्हय हे खातीर सरकारान पावलां घातिल्ल्याचें दिसना अशे ताणे सांगलें. फाटल्या विधानसभेत आपणे व्हो विशय उपस्थीत करून पांचव्या वाठारांत काँक्रिटाचें रान तयार करपा खातीर फायय माफिया कामाक लागल्यात अशी शिटकावणी आपणे दिल्ली. पर्यावरण संवेदन अश्या वाठारांत उज्याचेर नियंत्रण दवोरपा खातीर सरकारा कडेन कसलीच यंत्रणा ना. भाजपा सरकार फकत आस्वासना दिता मात कसलीच कृती करना असो आरोप आलेमांव हाणे केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
