भांगरभूंय | प्रतिनिधी
ह्या खर पावशी कुपांच्या नाट्यमय वातावरणान आमकां नवें नाट्य घडोवन हाडपाचे प्रयोग करपाची प्रचिती दिवपाची आसा म्हूण अशें भिजयत पडक्या देवळाच्या….
सकाळीं सकाळीं त्या सुकण्यांच्या गोड गळ्यान पुराय वाठार परमळीत केलो. तांच्या गायनान तरंग कशे आनंदाचे घन मनांत निर्माण केले. संवसाराक तांतुत बुडयत धोलयत वारें सरळ धांवत सुटलें. अशें कित्यान जावचें इतली शक्त कोणे दिवची? ह्या चिंतनात आसतनाच एकदम लांब दोन विजेच्यो सरयो तुटुन पडटात अशो दिसल्यो. मळबांतलीं तीं काळीं कुपां पुराय वाठार बदलत मुखार धांवलीं. वेगळेंच घडटा हाची जाणीव जातांच दीप कांचवेलो.
आतां विजेचो गडगड आनी लकलक सुरु जातलो. ते आदिंच हांगा सावन पळ काडल्यार कसो? मनांत दुबाव आयलो आनी मातुय वेळ काडीनासतना दीपान आपली सत्री फुलोवन घेवचे आदीं एका पडक्या देवळाच्या आडोशाक रावपाक पळ काडलो.
हें पडिंग देवुळ आसुं ……. पूण हांगां तशी भियेवपाची गरज कोणाक दिसना. मूळ भूंय इतली पवित्र तिका मनशाच्या मनांचो थाव आदींच लागता. ती सामान्यातल्या सामान्य जिवाचें रक्षण, सामर्थ्यान खिणांक आपल्या पोटच्या भुरग्यांक फुडले वाटेर व्हरपाच्या कामांत गुंतिल्ली आसता. दीप आलाशिऱ्याक रावन थाव घेतालो. आतां भाटांतल्या त्या आंब्या काजीच्या मांडांक केन्ना तोखेवपाचें? आज इतलो झोडमोडो, उटंगाराचो पावस कोणे उबो कर म्हणिल्लो? वेळ काळ कांय आसता काय ना?
दीप बडबडत, धडपडत रावलो. हो प्रखर, खर सैम कोणाचें कितें आयकुन घेवंक तयार आसत!! जशें तुमी मनांतल्यान मागतात तेंच घडटा. निसर्ग तुमकां जाय तेंच करता. तुमचे इत्से प्रमाण तो वागता. दीपाच्या कानांत सुकण्यांची म्होंवाळ उतरां आपटत रावलीं. इतल्या काळ्याकीट्ट कुपांक लेगीत हें विजो कुडीर घेवंक तयार?
हो सगळो ताचो खेळ मळब केन्ना कोणाक कित्याक भितलें? हीच ती शिकवण आमी तरणाटे पिळगेन घेवपाची. केदे आव्हान स्वीकारपाक भितर बळकटी जाय, आत्मविश्वास जाय. वेगळेच तरेची धिटाय, उर्जा ताका त्या भिरांकुळ वातावरणांतल्यान आत्मसात जाली. जाय तपश्चर्येतल्यान मेळोवपाचो दृढ विस्वास खंबीर रावपाचो. दीप मनांतल्यान खोशी दिसलो. वादळ, वारें, झोडमोडो, बुडटी अशो कितल्यो घडणुको मनशांक सोसच्यो पडटात. तांकां सामोरे वचपाक सैम तांक दिता. सतर्क रावपाक शिकवण दिता. कडक वत जावं पावस मनशाची पावलां थीर दवरुंन वचपाची वाट सामकार उबी करता. कांय फावट सैम जागृत करता पूण आमकां जाग येना. येता म्हणटासर वेळ गेल्ली आसता.
दीपाक आपली चूक कळटा हें स्पश्ट जालें. एआय हीआपले फुडाराची व्हडली आडखळ. मनांत हो विचार ताका आडखाटी हाडटालो. दुकळ, मोड परवडलें पूण हो राक्षस कसो !! फुडाराची वाट लायना मूं?. खरेंच तशें घडलें जाल्यार? एआयचो जादुचो खेळ आमकां सांपळे बी करीना मूं?
इतल्यांत दोळ्यां सामकार लख्ख उजवाड जालो. वीज पयस पडटा ती दिसली. दीपाक आपल्या बापायची उतरां याद जालीं. नवोच कंम्पुटर येता म्हूण कळ्ळो आनी कांय लोकांनी स्ट्रायकार वचपाचें थारायलें. कांय फावट लोक फकत विरोध करपाक जाय म्हूण करतात. ताका कांय अर्थ नासता. कांय जाणाक सारकें खबर नासता. ते फुडाराक आपल्याक वायट कितेय सोंसचें पडत म्हूण पयलींच हताश जातात.
हांव अशें म्हणीना सगळें एकदम बेस्ट नेकस्ट लेवल आसतलें. फायद्या बरोबर लुकसाण जावं येता. हें मतींत दवरुंन “चेलेंन्ज” स्वीकारची पडटा. सादें शिकप घेवन कम्युटर पास जाल्ले कितें करतले? सादारण एव्हरेज शिकपी भुरगो खंय तग धरुंन बसतलो? तांच्या ताटांत कितले शीत कडी, भाजी फळावळ खंयचें पिक काडप ताकां शक्य आसतलें?
घरातलो नोकरी करपी कोर्स केल्लो हें सहज जमतलें कांय ना ह्या विचाराची धार कितले मेरेन आपणायतलो? हे सादे विशय घरचे परिस्थीतीक चाप ओडटात दीपान पळयिल्लें… फकत आपल्या बापायच्या उतरांनी समज आयलो. ताका लागुनच फुडली उजवाडाची दिका परजळीत जातना दिसली.
“जो जसो विचार करता, चिंतप मतींत दवरुंन ताका मनांतल्यान आंवडेता तशेंच घडटा.” दीप स्वताक समजायत रावलो.
अशें वारें, गडगड भुरगेपणातल्यान अणभवलां ताका कितें भियेवप. हाकाच लागून तर आमकां ह्या गडगडाच्या विजेचे धक्के खावयत हें सैम ल्हानाचें व्हड करता. ह्या वयार खर परिक्षा …. खरी. दीप उटंगाराच्या पावसांत सत्री नासतनाय भिजत सट्सट् करुंन पावलां मारीत पलतड गांठपाक धेंपो मारीत चलपाक लागलो. अशें म्हाका एआयचे बाबतींतलें नवे तंत्र आपणावचें आसा.
“चला म्हज्या इश्टानो वचुंया मुखार हातांत हात घालीत”…. जिवीताच्या नव्या मुळावणाक बुन्यादी फातर घालुन नव्यो इमारती नाविन्य करुंन नवें तंत्र मंत्राचें साम्राज्य रचुया”. दीप पुराय वेगळेंपण आपणावन नवे तरणाटे जिवीताची बुन्याद आनी शान रचपाचे वावराक नेटान उबो रावलो. भावनेचे भकीक पडनासतना प्रॅक्टिकल विचार करप गरजेचें. आपल्या इश्टा बरोबर घरच्या सगळ्यांक पटोवन एआयक लागून कांचवेल्याक दीपान तांची नोकरी वचत तर नवे उपाय वेवहार कशे करप शक्य आसतलें, हाचेर एक चर्चा सत्र आयोजित केल्लें. “विचार मांडांत वळखात, समजात, फुडली जीण सकारात्मक करात” ह्या सत्राक तरणाट्यांचो चोमो जमा जाल्लो.
फुडली चॅलेंन्ज एआय एक आव्हान. मांडात विचार पळटली भिरांत. ह्या खर पावशी कुपांच्या नाट्यमय वातावरणान आमकां नवें नाट्य घडोवन हाडपाचे प्रयोग करपाची प्रचिती दिवपाची आसा म्हूण अशें
भिजयत पडक्या देवळाच्या दारा कडेन उबो करुंन पळय आपुण मात ना तातूंत “तूं तुजी वाट स्वता सोद” म्हणटा काय कितें हें सैम. Remember… In the middle of every difficulty lies Opportunity.
विजया शेळडेकार
9146791523
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
