उच्च शिक्षणा खातीर 30 विद्यार्थ्यांक मनोहर पर्रीकार शिश्यवृत्ती

भांगरभूंय | प्रतिनिधी

पणजी ः उच्च शिक्षणा खातीर मनोहर पर्रीकार गोंय शिश्यवृत्ती येवजण, 2018 खाला 2023-24 वर्सा खातीर गोंयच्या 30 विद्यार्थ्यांची निवड जाल्या. हे येवजणे खाला विद्यार्थ्यांक उच्च शिक्षणा खातीर शिश्यवृत्ती दितात. गोंयच्या तरणाट्या विद्यार्थ्यांक भारत आनी परदेशांतल्या प्रतिश्ठीत विद्यापिठांनी आनी उच्च शिक्षण संस्थांनी शिकपाक अर्थीक मजत दिवन प्रोत्साहन दिवप हो हे येवजणेचो हेत आसा.
मेळिल्ले म्हायती प्रमाण 2023-24 शिक्षणीक वर्सां गोंयच्या सुमार 211 विद्यार्थ्यांनी हे येवजणेचो लाव घेवपा खातीर अर्ज केल्ले. ह्या अर्जांची तपासणी करुन चवकशी समितीन 30 पात्र विद्यार्थ्यांची निवड केली. हे समितींत वेगवेगळ्या मळांवेल्या तज्ञांचो आस्पाव आशिल्लो.
हे येवजणे खातीर निवड जाल्ले 30 विद्यार्थी म्हळ्यार एरोस्पेस, न्युरोसायन्स, बायो-मेडिकल इंजिनियरिंग, ईलेक्ट्रिकल इंजिनियरिंग, रसायन शास्त्र, रोबोटिक्स, बायो-सायन्स, कॉम्प्युटर सायन्स, फिजिकल सायन्स, फायनान्स, स्ट्रेटेजिक कोम्यूनिकेशन, मेडिकल सायन्स, फार्माकोलॉजी, बायोलॉजिकल सायन्स, वेवस्थापन, स्पोर्ट्स फिजिओलॉजी आदी मळार शिक्षण घेतात.

उच्च शिक्षणा खातीर मनोहर पर्रीकार शिश्यवृत्ती खातीर निवड जाल्ल्या विद्यार्थ्यांची वळेरी –