भांगरभूंय | प्रतिनिधी
दिसपट्टी जिणे पद्धतीक लागून जायते दुयेंस जावपाक लागल्यात. तातूंत उच्च रक्तदाबाची समस्या ल्हान पिरायेचेर पसून ते जाण्ट्या मेरेन सगळ्यांक जाता. तुमचें आहार, घरांतलो आनी ऑफिसांतल्या कामाचो ताण आनी योग्य व्यायामाचो उणाव ह्या कारणांक लागून रक्तदाबाची समस्या वाडता. ताणाक लागून उच्च रक्तदाबाचो त्रास चड जाता.
उच्च रक्तदाबाचीं लक्षणां…
० परत परत तकली दुखप
० स्वास घेवपाक त्रास जावप
० शिरांक त्रास जावप
० घुंवळ येवप
उच्च रक्तदाब टाळपाचे सोपें उपाय…
० निरोगी आहार (Eat healthier)
उच्च रक्तदाब टाळपा खातीर आहाराची जतनाय घेयात. जंक फुड वा भायले खाण उण्या प्रमाणांत खावचें. ह्या चुकीचे खावपाचे संवयेक लागूनय रक्तदाबाचो त्रास जाता.
० वजन नियंत्रणांत दवरप (Maintain a healthy weight)
तुमचें वजन चड आसल्यार ते उणे करुन ताचेर नियंत्रण दवरचें. वजन चड आसल्यार रक्तदाबूय वाडटा.
० मीठ उणें खावप (Reduce sodium)
तुमच्या आहारांत उण्यांत उणें मीठ वापरचें. मीठ उणें खाल्यार रक्तदाब नियंत्रणांत उरपाक मजत जाता. मीठांत सोडियम चड आसता आनी ताका लागून रक्तदाब वाडटा.
० ताण वाडूंक दिवचो न्हय
चड विचार केल्यार ताण येता आनी हाका लागून रक्तदाबूय वाडटा. जितलो चड ताण घेतात तितलो रक्तदाब चड वाडता. हे खातीर तुमी योगासना करुंक शकता.
० योग आनी मेडीटेशन करप
योग आनी मेडीटेशन ताण उणो करपाक मजत करता. यष्टिकासन, हस्तपादांगुष्ठान, भद्रासन, मत्स्यासन सारकिल्ले आसन करचे. योगासनाक लागून रगताची येरादारी सुरळीत उरता. मन शांत जाता.
० वेळार जेवप
वेळार जेवचें. वेळार जेवंक ना जाल्यार रक्तदाब वाडूंक शकता. चड उपास करचो न्हय. उपास केल्यारय रक्तदाब वाडूंक शकता. दनपरां २, अडेज आनी रातीं साडेणव, धा हो जेवणाचो वेळ न्हय.
० भरपूर उदक पियेवचें
जेवणा वांगडा उदक पियेवपाची संवय वाडोवची. दिसाक उण्यांत उणें दोन ते तीन लिटर उदक पियेवचें. सामान्य रक्तदाब तिगोवन दवरपा खातीर आहारांत खाजूर आसपावीत करचो. दालचिनी, पासां (खिसमीस), गाजर, आल्याचो खाणांत आस्पाव करात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
