भांगरभूंय | प्रतिनिधी
उत्तर गोंय जिल्लोधिकार्यांचो मामलेदार/संयुक्त मामलेदारांक आदेश
पणजी : कोटपा कायद्या खाला ई सिगारेटच्या वापराचेर बंदी घातली. बंदीच्या कार्यवाही खातीर स्थापन केल्ल्या भोंवपी पंगडान केल्ले कारवायेचो अहवाल सादर करपाचे आदेश उत्तर गोंय जिल्लोधिकारी अंकीत यादव हांणी दिले.
उत्तर गोंयच्या दरेका म्हालांत मामलेदार/जोड मामलेदार हांच्या अधिकारां खाला ई सिगारेटी आड कारवाये खातीर भोंवपी पंगडांची स्थापना केल्या. भोंवपी पंगडान मागणी केले उपरांत मामलेदार/जोड मामलेदारांनी वाहनांची वेवस्था करची. पुलीस निरीक्षकांनी छापे घालचे खातीर भोंवपी पंगडांक पीएसआयची वेवस्था करची, अश्यो सुचवण्यो दिल्यो. गोंय सीवीक ऍन्ड कन्ज्युमर ऍक्शन नेटवर्कचे संघटक रोलँड मार्टिंस हांकांय पंगडा वांगडा एक प्रतिनिधी धाडपाची सुचवणी उत्तर गोंय जिल्लोधिकार्यांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
