भांगरभूंय | प्रतिनिधी
भांगरभूंय । पत्रक
पर्वरीः वाहनांक लागून जावपी प्रदूशण आनी इंधनाचे वाडिल्ले दर मतींत घेवन वेलनेस फोरेवर हे कंपनीन ई-बायका वयल्यान मेडिकल वस्तूंची डिलिव्हरी करपाचो नवो उपकम चालीक लावपाचो निर्णय घेतला. हे खातीर तांणी बी- लायव्ह वांगडा भागिदारी केल्या.
बी- लायव्ह ही इलेक्ट्रिक वाहना तयार करपी कंपनी आसा. वेलनेस फोरेवरच्या सगल्या विक्री केंद्रांत 250 परस चड ई-सायकली दितले. ताचे वररीं कंपनीच्या ऑपरेटिंग खर्चांत सुमार 80 टक्क्यांनी उणो जातलो. पुराय भारताक 2070 मेरेन कार्बन मुक्त करपाचो हेत आसा. भारतांत होम डिलिव्हरी सामकी गरजेची जाल्या. ताका लागून वेलनेस आतां तांच्यो सगल्यो डिलिव्हरी ई-सायकल वयल्यान करतली. ताचो फायदो फकक कंपनीकूच न्हय जाल्यार पर्यावरणाक लेगीत जातलो.
बी- लायव्ह वेवसायांक ई वीवर स्विच करपा खातीर तशेंच तांचें कार्बन फुटप्रिंट कमी करपाक मजत करपा खातीर तांचेकडेन भागिदारी करपाचो यत्न करता अशें कंपनीचो सीईओ संदीप मुखर्जी हांणी सांगलें. वेलनेस फोरेवरच्या हर्षल ठाकूर हांणी बी- लायव्ह वांगडा भागिदारी करून वेलनेस फोरेवरान देशाक शून्य कार्बन उत्सर्जन करपाचें एक सकारात्मक पावल घातलां. ताचो फायदो देशातल्या लोकांक जातलो अशें सांगलें.
बी- लायव्हची स्थापणूक 2018 वर्सा करून समर्थ खोलकार आनी संदीप मुखर्जी हांणी भारतात ईव्ही विशी जाग्रुताय करपाचो यत्न चलयला. ही भारतांतलो पयलो डिजिटल मल्टी ब्रँड ईव्ही प्लॅटफॉर्म आसा. जो नवी उत्पादना, चार्जींग साधनसुविधा, विक्री पोस्ट सेवा, तशेंच सुलभ वित्त पर्याय उपलब्द करून दिता. मुंबय मुख्यालय आशिल्ल्या वेलनेस फोरेवराक फार्मसी चलोवपाचो अणभव आसा. कंपनी सध्या महाराष्ट्र, गोंय आनी कर्नाटकांतल्या 44 शारांनी 300 परस चड फार्मसी आनी लायफस्टायल स्टोअर्सांची माळ आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
