भांगरभूंय | प्रतिनिधी
नवी दिल्ली, खबरां संस्था ः वाहन पोर्टला प्रमाण फेब्रुवारींत ई-टू-व्हीलरच्या वाहनांची विक्रीत वर्सुकी 24 टक्क्यांनी वाड जाल्या. फाटल्या म्हयन्यांत 81963 ई-टू-व्हीलरची विक्री जाली, जाल्यार फाटल्या वर्सा ह्याच म्हयन्यांत 66,053 ई-टू-व्हीलरची विक्री जाल्ली. चालू अर्थीक वर्सा 2023-24 वर्सा एप्रिल-फेब्रुवारी ह्या काळांत ई-टू-व्हीलरच्या विक्रीन 8 लाखांचो आंकडो हुंपलो. ऑटो विक्रेते संघटनेचे फाडाचे अध्यक्ष मनीष राज सिंघनिया हांणी दिल्ले म्हायती प्रमाण सरकारान फेम येवजणे खाला अनुदान उणें करुन लेगीत आतां बाजारपेठ स्थीर जाता. फाटल्या 2-3 म्हयन्यां सावन डीलर्स 20-25% सवलत दितात, जाका लागून विक्री वाडटा.
5 वर्सांत इलेक्ट्रीक दुचाकींची विक्री सुमार 33 पटींनी वाडल्या
| अर्थीक वर्स | विक्री | वाड |
| 2019-20 | 26834 | |
| 2020-21 | 44803 | 67% |
| 2021-22 | 252642 | 464% |
| 2022-23 | 728054 | 188% |
| 2023-24 | 878280 | 21% |
ह्या अर्थीक वर्सा म्हयन्याळी विक्री 2022-2023 परस 21% चड
फाटल्या 5 वर्सांत ई-2 व्हीलरांची विक्री सेगीत वाडत आसा. सोसायटी ऑफ मॅन्युफॅक्चरर्स ऑफ इलेक्ट्रीक व्हेकल्स च्या म्हणण्या प्रमाण 2022-2023 अर्थीक वर्सा दर म्हयन्याक सरासरी 60,500 ई-2 व्हीलरांची विक्री जाली. चालू अर्थीक वर्सा ही सरासरी 21 टक्क्यांनी वाडून 73,190 जाल्या. ह्या अर्थीक वर्सा सुमार 8.78 ई-टू-व्हीलरची गाडयो विकपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
