भांगरभूंय | प्रतिनिधी
भांगरभूंय । प्रतिनिधी
मुरगांवः हेडलॅड सडा हांगच्या श्री ईश्वटी ब्राह्मण लक्षी नारायण देवस्थानाचो 24वो पुनःप्राणप्रतिश्ठा वर्सुकी दीस आनी 50व्या भांगरा पालखी उत्सवाची सुरवात वास्कोच्या सम्राट क्लबा वतीन चक्री कीर्तन कार्यावळीन सुरवात जाली. गोमंतक संत मंडळ संचलीत फोंड्यांतल्या कीर्तन विद्यालयांतल्या समीक्षा कुर्टीकार, आदिती भगत, शिवानी वझे, ब्रह्मय सुल्कार हांणी कीर्तन सादर केलीं. ताका सुहासबुवा वझे हाणे संवादिनीचेर आनी साईराज केरकारान तबल्याचेर साथ संगत केली.
चक्री कीर्तनाची सुरवात दिवली पेटोवन जाली. ह्या वेळार वास्को सम्राट क्लबाची अध्यक्ष संध्या संझगिरी, डॉ सुबीर संझगिरी, स्नेहल संझगिरी, गिरीष कोळमकार, हाजीर आशिल्ले. चारून कीर्तनकारांनी वेगवेगळ्या विशयांचेर कीर्तना सादर केली. ते उपरांत देवळाच्या प्राकारांत पालखी मिरवणूक काडली. तीर्थ प्रसादान पयल्या दिसाची कार्यावळ सोपली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
