भांगरभूंय | प्रतिनिधी
नवी दिल्ली, खबरां संस्था ः केंद्र सरकार कर्मचारी भविष्य निधी संघटनेंत (EPFO) बदल जावपाचे आसात. सूत्रांनी दिल्ले म्हायती प्रमाण ईपीएफओ 3.0 च्या मसुद्या प्रमाण आतां कर्मचाऱ्यांक थेट एटीएमांतल्यान पीएफाचे पयशे काडपाची सुविधा उपलब्ध करुन दिवपाची तयारी सुरु आसा.
फुडल्या वर्सा जून सावन ही सुविधा सुरू जावं येता. हे सुविधे वरवीं फकत थारावीक रक्कम काडूं येता. हाचो अर्थ गरजेच्या वेळार कर्मचाऱ्यांक केन्नाय पयशे काडूं येतात.
तेच वेळार ईपीएफांत कर्मचाऱ्यांचें सद्याचें 12 टक्के योगदान वाडोवपाचोय विचार सुरू आसा. सद्या कर्मचारी आपल्या मुळाव्या पगारांतल्यान 12%, डियरनेस भत्तो आनी रिटेनिंग भत्तो दिता, तातूंतले 8.33% पेन्शन निधींत आनी 3.67% ईपीएफांत वतात.
सूत्रांनी दिल्लें म्हायती प्रमाण, ईपीएफओ कार्ड डेबिट कार्डा सारकें आसतलें जाका लागून कर्मचाऱ्यांक गरज पडटा तेन्ना रोखडेंच पयशे काडूं येतात. ह्या कार्डाचो वापर करून एटीएमांतल्या प्रॉव्हिडंट फंड खात्यांतल्यान बँक डेबिटा सारके पयशे काडूं येतात. हाका ईपीएफओ विथड्रॉल कार्ड अशें म्हणटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
