भांगरभूंय | प्रतिनिधी
ज़िलहिज्जाचो म्हयनो इस्लामी वर्साचो पवित्र म्हयनो. ह्या म्हयन्यात दोन म्हत्वपूर्ण कार्यां जातात- हज आनी ईद उल अधा. दोनूय घडणुकांचो प्रेषित अब्राहमाचे जिणे कडेन घट संबंद आसा. पवित्र कुराण म्हणटा :
“लक्षात दवरात जेन्ना- जेन्ना ताच्या प्रभून अब्राहमाक काय विशिश्ट बाबतींत पारखलें आनी तो त्या सगल्या बाबतींन उत्तीर्ण जालो तेन्ना प्रभून म्हणलें, “हांव तुका मनीसजातीचो फुडारी करतलों.” अब्राहमान विचारलें, “हें वचन म्हज्या वंशजांकूय लागू जाता काय?” ईश्वरान जाप दिली, “म्हज्या आदेश उल्लंघन करपी लोकांक लागू जायना ” (कुराण 2: 124)
वयलो श्लोक अब्राहमच्या कठीण त्यागांची याद करून दिता जेन्ना ताणें आपल्या ‘निर्माणकर्ता- त्या परमेश्वराच्या’ प्रति श्रद्धा, वचनबद्धता, प्रेम आनी सेवेची परिक्षा ताची प्रत्येक आज्ञा पूर्ण करून दिली. जिण ही एक परिक्षा. हातून पास जावप जिणेचो हेतू आसा आनी अब्राहमाची परिक्षा घेतली. पूण, तो सगल्या परिक्षांनी सफल जालो. सबंध जीण तो आपल्या आनी जगाच्या धनया कडेन जोडून रावलो. आपल्या पालनकर्त्याक प्रसन्न करपाक आनी ताच्या आज्ञेचे पालन करपाक सतत झुजत रावलो. प्रत्येक मोह, भंय, चिंता तांचे पसून परस असली. संवसारांत वावरून पसून एक संन्याश्याची जीण कशी जगपाची हांचे उदाहरण आमका अब्राहमाच्या जिणे वरवीं पळोवपाक मेळटा. आपल्या पुताक बळी दिवपाची आज्ञा ही अब्राहमने कबुल केली. त्या आज्ञे मुखार तो नतमस्तक जालो. पूण ईश्वरानं ताचो चलो इस्मायल हांचे प्राण वाचयले आनी त्या जाग्यार मेंढी दवरली. ह्या बलिदानाक सार्वत्रिक रूप दिवन मानवजातीचो पूर्वज अब्राहम आनी ताचो पूत इस्मायल हांच्या स्मरणार्थ दरवारसा जुल हिज म्हयन्याच्या 10 व्या दिसा ईद उल अधाचो सण मनयतात. बलिदानाचें मास गरीब व गरजू लोकांचे वाट्टात आनी मानवजातीक अन्न पावोवपी परमेश्वर जो आमचो दाता आनी पोसपी आसा ताचे उपकार मानतात. पूण, परमेश्वरा कडेन हो बलिदान स्वीकार जावपाक अट म्हणल्यार – तक्वा – ईश्वराचे भान, आत्म्याची शुद्धता आनी अल्लाहसाठी सगळे कितें बलिदान करपाची वचनबद्धता.
म्हणून पवित्र कुराण म्हणटा :
“(हे बरे लक्षांत घ्या) की तांचें मास वा रक्त ईश्वराक पावन, पूण ईश्वराक जें पावता ती तुमची धर्मनिश्ठा. अशे करून अल्लाहान ह्या जनावरांक तुमच्या स्वाधीन केला की ताचेर ताणें तुमका दिल्ल्या मार्गदर्शना खातीर तुमी ताचो गौरव करचो. आनी, हे प्रेषित, जें बरें काम करतात तांकां बरी खबर दियात ”
(कुराण 22:37)
ईश्वरान अब्राहमाची जीण आनी तातूंतल्यो घडणूक पिळग्यान पिळग्यान हजच्या रूपान सुरक्षित केली, त्याच जागेचेर म्हणल्यार मक्का जागो एक परमेश्वराच्या उपासने खातीर पयलें घर बांदले गेले.
“निसंशयपणान मनीसजाती खातीर उपासनेक बांदिल्ले सगल्यांत पयले घर मक्केंत आसा. ते आशीर्वादित असले आनी सगल्या लोकांक खातीर मार्गदर्शनाचें केंद्र जालें.”
(कुराण:३:96)
अब्राहमान आपलो पूत इस्मायल वांगडा हे उपासना घर परत निर्माण केले जाका काबा म्हणटात. हें करतना तांणी ईश्वराचे आज्ञाधारक सेवक रावपाची प्रार्थना केली आनी भविश्यांत येवपी पिळग्यां खातीर मार्गदर्शन आनी शुद्धीकरण करपाक प्रेशित धाडपाची विनवणी केली.
प्रेषित मोहम्मदच्या (सल्ल्लाहू अलैही सललंम) जल्मा पयलीच हज करपाक संवसारांतले लोक मक्का हांगा येवपाक लागले. जसो काळ बदलत गेलो तसतसे हजाच्यो विधी भ्रश्ट श्रद्धा व लोकांच्या कृतींन दुशीत जाली. ह्या विधींक मागीर ईश्वराच्या अंतिम प्रेषित मोहम्मद (सल्ल्लाहू अलैही सललंम) हांणी शुद्ध स्वरूपान पुनरुज्जीवित केले जे आतां मेरेन पाळटात.
हज दरम्यान यात्रेकरू अध्यात्मिक शुद्धतेच्या स्थितीन प्रवेश करतात, जाका इहराम म्हणून वळखतात जाचो उद्देश भौतिकवादाची चिन्हे, संवसारिक आनंद सोडण्याचो आसता आनी बाह्य स्वरुपाच्या परस अंतःकरणाचेर चड लक्ष केंद्रित करपाचो असता .
पाच दिसांची हे हज यात्रेंत यात्रेकरू मीना, अराफत, मुझडलिफ आनी काबाह वाठारांक भेट दितात. अराफत हांगा जमलेले लोक पुनरुत्थानाच्या दिसा जावपी संमेलनाची उगडास करून दिता जेन्ना प्रत्येक मनशाक जगाचे परिक्षेच्या निकाला खातीर उबें जावचे पडतले. प्रेषित मोहम्मदान आपल्या पयल्या आनी अखेरच्या हजांत जबल ए रेहमा ह्या दोंगराचेर दिल्लो निमणो उपदेशूय याद जाता.
तांच्या प्रवचनातले कांय मुद्दे
नजराना दरवेश
8975074456
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
