भांगरभूंय | प्रतिनिधी
पणजी ः अंमलबजावणी संचालनालयाच्या (ईडी) लखनौ विभागाच्या पंगडान 10 एप्रिलाक गोंया सयत दिल्ली, नोएडा आनी 9 सुवातींनी धाड घाली. ही कारवाय भासीन इन्फोटेक अॅण्ड इन्फ्रास्ट्रक्चर प्रा. लिमिटेड, ग्रँड विनेझिया कमर्शियल टॉवर्स प्रा. लिमिटेड आनी तांच्या मुखेल अधिकाऱ्यांचे सुवातेर केली.
ह्या प्रकरणांत मुखेल आरोपी सतींदर सिंग भासिन हो भासीन इन्फोटेक कंपनीचो वेवस्थापकीय संचालक आसात. ताच्या फुडारपणा खाला कंपनीन ग्रँड विनेझिया कमर्शियल कॉम्प्लेक्स नांवाचो रियल इस्टेट प्रकल्प सुरू केलो. प्रकल्पाची खोटी जायरात आनी खोटी आश्वासन दिवन गुंतवणूकदारांक फटोवन घेतले. पूण पयशे मेळ्ळ्या उपरांत गुंतवणूकदारांक मालमत्तेचो ताबो दिवंक नाशिल्लो.
10 एप्रीलाक दक्षीण गोंयांत केल्लें धाडींत ईडीन 30 लाख रुपया रोख, वेगवेगळ्या बँक लॉकरांचीं चावी, इलॅक्ट्रॉनीक उपकरणां आनी म्हत्वाचीं कागदपत्रां जप्त केल्यांत. कांय बँक खातींय गोठयल्यांत. ही कारवाय प्रिव्हेन्शन ऑफ मनी लॉन्ड्रिंग अॅक्ट (पीएमएलए), 2002 खाला केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
