भांगरभूंय | प्रतिनिधी
नवी दिल्ली, खबरां संस्था: अंमलबजावणी संचालनालयाच्या (ईडी) पंगडान व्हड कारवाय केल्या. ‘लॉटरी किंग’ सँटियागो मार्टिना आड मनी लॉंड्रिंग प्रकरणांत ईडीन कारवाय खर केल्या. ईडीन मार्टिन आनी ताची कंपनी मेसर्स फ्यूचर गेमिंग अँड हॉटेल सर्व्हिसेस प्रा.लि. कडेन संबंदीत वट्ट २२ सुवातांचेर छापे घाल्यात. हे कारवायेंत ईडीन १२.४१ कोटी रुपयांची रक्कम जप्त केल्या. तशेंच ६.४२ कोटी रुपयांची एफडीआर धरल्या.
ईडीन तामिळनाडू, पश्चिम बंगाल, कर्नाटक, उत्तर प्रदेश, मेघालय आनी पंजाब सयत हेर २२ सुवातांचेर सोद मोहीम राबयत छापे मारले. ह्या वेळार ईडीन कागदपत्रां, डिजिटल उपकरणां जप्त केलीं. हे विशींचें वृत्त एएनआय हे वृत्तसंस्थेन दिलें. मजगतीं, मार्टिना आड मनी लॉंड्रिंग प्रकरणांत ईडी कडल्यान जायते फावट ह्यान पयलींय कारवाय केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
