भांगरभूंय | प्रतिनिधी
खबरां संस्था
कोलकाताः चकदा एक्स्प्रेस म्हणून फामाद जाल्ल्या झूलन गोस्वामीचें नांव ईडन गार्डनाच्या एका स्टॅण्डाक दितले. शेनवारा इंग्लंडात क्रिकेटेची मक्का आशिल्ल्या लॉर्डस मैदानार भारत-इंग्लड हांच मदले वन-डे मॅची उपरांत झूलन क्रिकेटींतल्यान निवृत्त जालें.
कोलकाता क्रिकेट असोसिएशनाचे अध्यक्ष अभिषेक डालमियान ही म्हायती दिली. झूलन एक स्पेशल क्रिकेटीयर आसा आनी क्रिकेटीच्या लिजेंडा वांगडा ताचें नांव आसपाक जाय. झूलनाचो आमी भोवमान करतले अशें ताणे सांगलें.
25 वर्सां आदी ई़डन गार्डन्स स्टेडियामचेर 1997च्या वर्ल्ड कपाचे फायनलींत झूलनान बॉल गर्ल ( बाउंड्री भायर गेल्लो बॉल काडपी) म्हणून काम केल्लें. दोन दिसां आदीं झूलनान ही म्हायती दिली. ऑस्टेलिया आनी न्यूझिलंड हांचे मदी जाल्ले वर्ल्ड कप फायनलींत हांवे बॉल गर्ल म्हणून काम केल्लें आनी तेन्नाच आपणे क्रिकेटींत कारकिर्द करपाचें थारायल्लें. भारता खातीर खेळपाचें म्हजे सपन आशिल्ले अशें 39 वर्सा पिरायेच्या झूलनान सांगिल्लें. झूलन संवसारांतले सगळ्यांत फास्ट बॉल आनी आनी ताच्या नांवार सगल्यांत चड विकेटी आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
