भांगरभूंय | प्रतिनिधी
श्रीहरिकोटा, खबरां संस्था: भारतीय अंतराळ संशोधन संस्थेन (इस्रो) बुधवारा सकाळीं आंध्र प्रदेशांतल्या श्रीहरिकोटाच्या सतीश धवन अंतराळ केंद्रावेल्यान LVM3-M6 रॉकेट वापरून ब्लुबर्ड ब्लॉक-2 ह्या अमेरिकन उपगिऱ्याचें प्रक्षेपण केलें. ब्लुबर्डाचें वजन 6100 किल आसा, जाका लागून तो भारतान प्रक्षेपीत केल्लो आतां मेरेनचो सगल्यांत जड उपगिरो थारला.
ज्या LVM3 रॉकेटाचेर तें प्रक्षेपीत केलें ताचें वजन 640 टन आसा, जाका लागून तें भारतांतलें सगल्यांत वजनी प्रक्षेपण वाहन जालां. ताचे उत्कृश्ट शक्ती, तांक आनी कामगिरी खातीर ताका ‘बाहुबली रॉकेट’ म्हणून वळखतात.
ब्लूबर्ड ब्लॉक-2 हो फुडले पिळगेचो संप्रेशण उपग्रह आसा, जो ब्रॉडबँड कनॅक्टिव्हिटी सरळ सामान्य स्मार्टफोनाचेर हाडपा खातीर डिझायन केला. तो धर्तरेर खंयच्यानूय 4 G आनी 5 G व्हॉयस कॉल, व्हिडियो कॉल, मॅसगजींगल स्ट्रिमींग आनी डेटा सेवा सक्षम करतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
