इस्रोन अंतराळांतल्यान काडले महाकुंभाचे फोटो
भांगरभूंय | प्रतिनिधी
नवी दिल्ली, खबरां संस्था : भारतीय अंतराळ संस्था इस्रोन उपग्रहाचो वापर करून उत्तर प्रदेशांतल्या प्रयागराजांत चालू आशिल्ल्या महाकुंभमेळ्याचे फोटो काडल्यात. इस्रोच्या राष्ट्रीय रिमोट सेन्सिंग सेंटराचे वेबसायटीचेर हे फोटो पळोवपाक मेळटात. ह्या फोटवांनी महाकुंभ मेळ्या खातीर निर्माण केल्ल्यो सुविधायो दिसता. मजगतीं अंदूंचो महाकुंभ मेळा वट्ट ४५ दीस चलतलो. हातूंत देशा सयत संवसारभरांतले सुमार ४० कोटी भावीक येतले अशी अपेक्षा आसा.
भारताच्या अत्याधुनीक ऑप्टिकल उपग्रहांचो आनी डे-नायट रडारसॅटचो वापर करून, हैदराबादच्या राष्ट्रीय रिमोट सेन्सिंग सेंटरान महाकुंभमेळ्यांतल्या पांयाभूत सुविधांचे निर्मितीचे फोटो काडल्यात. हे विशीं उलयतना एनआरएससीचे संचालक डॉ. प्रकाश चौहान हांणी, प्रयागराजाचें क्लावड बँडा वरवीं वाठाराचे चित्रण करपा खातीर रडारसॅटचो वापर केलो. हे फोटो १५ सप्टेंबर २०२३ आनी २९ डिसेंबर २०२४ दिसा घेतल्या, जातूंत तात्पुरती टँट सिटी, न्हंयेचेर पोंटून पूल आनी रस्त्याचें जाळें दिसता .
४० कोटी भाविकां खातीर उत्तर प्रदेश सरकारन महाकुंभ नगर नांवाचो एक नवो जिल्लो तयार केला. जातूंत १,५०,००० परस चड तंबू, ३,००० रांदच्यो कुडी, १,४५,००० नितळसाण घरां आनी ९९ पार्कींग लॉटचो आसपाव आसा.
परेड ग्रावंड आनी शिवालय
महाकुंभ सुरू जावचे पयलीं ६ एप्रील २०२४ दिसा काडिल्ल्या फोटवांनी प्रयागराज परेड ग्रावंड दिसता.उपरांत हांगा व्हड बदल जातनाचे २२ डिसेंबर २०२४ दिसाचे फोटो आसात. उपरांत जेन्ना हाचो वापर सुरू जालो तेन्ना १० जानेवारी २०२५ दिसा घेतिल्ल्या फोटवांचोय हातूंत आसपाव आसा.
हातूंत नवीं शिवालयां उद्यानाच्या निर्मितीच्या छायाचित्रांचोय आसपाव आसा. मळबांतल्यान घेतल्यांत. ६ एप्रिल २०२४ च्या फोटवांत एक मेकळें मैदान दिसता. उपरांत २२ डिसेंबर २०२४ दिसा घेतिल्ल्या फोटवांत शिवालय उद्यान अस्तित्वांत आशिल्ल्याचें पळोवपाक मेळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
