भांगरभूंय | प्रतिनिधी
श्रीहरीकोटा, खबरां संस्था ः भारतीय अंतरिक्ष संशोधन संघटनेन (इस्रो) सोमारा आदित्य-एल 1 मिशनाचेर एक बरी खबर दिली. आदित्य-एल 1 अंतराळयानान सूर्य आनी धर्तरी हांचेमदल्या एल 1 लॅंग्रेंजियन पॉयंटाची एक कक्षा पुराय केल्या. ह्या वेळार अंतराळ यानाची कक्षा स्थीर दवरपा खातीर एकंदरीत कार्यावळींत सुदारणा केल्ली, जाका लागून यानाचे मार्गकरण दुसऱ्या ‘हालो ऑर्बिट’ त योग्य रितीन वचूंक शकता.
आदित्य एल 1 मिशन ही लॅंग्रेंजियन पॉयंट एल 1 हांगा आशिल्ली भारतीय सौर वेधशाळा. तें 2 डिसेंबर 2023 दिसा लॉंच केलें आनी 6 जानेवारी 2024 दिसा हालो ऑर्बिटांत स्थापित केले.
इस्रोच्या मतान आदित्य-एल1 अंतराळयानाक हालो ऑर्बिटाच्या कक्षेंत एल1 पॉयंट भोंवतणी एक फेरी पुराय करपाक 178 दीस लागतात. इस्रोच्या मतान हालो ऑर्बिटाच्या फुडल्या प्रवासांत आदित्य एल 1 अंतराळयान अवकाशांतल्या वेगवेगळ्या प्रतिकारशक्तीच्या संपर्कांत येतलें, जाका लागून तें आपल्या थारयिल्ल्या कक्षेंतल्यान भायर सरूंक शकता.
इसरोच्या म्हणण्या प्रमाण ह्याच कक्षेंत रावपा खातीर आदित्य-एल 1 च्या ट्रॅकरांत अनुक्रमान 22 फेब्रुवारी आनी 7 जून दिसा दोन फावटीं बदल केले. आयच्या तिसऱ्या अभ्यासा वरवीं ताचो प्रवास लॅंग्रेंजियन पॉयंट एल1 भोंवतणी दुसरे हालो ऑर्बिटांत सुरळीत चालू उरतलो हाची खात्री जाता. तशेंच आयच्या कार्यावळीक लागून आदित्य-एल1 मिशन मोबिलिटी सॉफ्टवेअरा खातीर युआरएससी-इस्रो हांगा विकसीत केला.
ह्या मिशनाच्या फाटल्यान इस्रोचे जायते हेत आसात. धर्तरेचेर जसो भूंयकांप जाता तसोच सौर-भूंयकांप जातात, तांकां कोरोनल मास इजेक्शन अशें म्हण्टात. सौर कंपनांचो अभ्यास करपाखातीर सूर्याचें निरिक्षण करप गरजेचें आसता. भारताच्या पयल्या सौर मिशनांत ‘आदित्य’ त सूर्याचो भूतकाळ, वर्तमान आनी फुडाराचो सोद घेवपा खातीर सात पेलोड आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
