भांगरभूंय | प्रतिनिधी
श्रीहरिकोटा, खबरां संस्थाः भारतीय अंतरिक्ष संशोधन संघटनेन आयज सकाळीं भारतीयांक बरी खबर दिली. सकाळीं 6:23 वरांचेर आंध्र प्रदेशांतल्या श्रीहरिकोटा सावन एनव्हीएस-02 तल्यान जीएसएलव्ही- एफ15 (GSLV-F15) चे येसस्वीपणान उड्डाण जालें. इस्रोचें हें 100 वे प्रक्षेपण. इस्रोन ट्विट करुन जीएसएलव्ही- एफ15/ एनव्हीएस- 02 मिशन पुराय जाल्ल्याची म्हायती दिली. हें मशीन इस्रोचे नवे अध्यक्ष व्ही नारायण हांच्या फुडारपणा खाला चालीक लायिल्लें.
जीएसएलव्ही- एफ 15 चो फायदो कितें?
जीएसएलव्ही- एफ 15 भारतीय उपखंड आनी देशाच्या प्रदेश वाठारांतल्या 1,500 किमी पट्ट्यातल्या वापरप्यांक सुवात, वेग आनी वेळाची अचूक म्हायती दितली. सोमारा फांतोडेर 2:53 वरांचेर ही मोहीम सुरू जाली. सकाळीं 6:23 वरांचेर आंध्र प्रदेशांतल्या श्रीहरिकोटा सावन ताचे प्रक्षेपण केले.
‘जीएसएलव्ही- एफ15’ 50.9 मीटर उंचायेचे आसून ‘जीएसएलव्ही- एफ12’ मिशना उपरांत तें उपरांत वापरतले. ‘एनव्हीएस- 01’ हो उपग्रह ‘जीएसएलव्ही- एफ- 12’ वयल्यान अवकाशांत धाडिल्लो. 29 मे 2023 दिसा ताचे उड्डाण जाल्लें. एनएव्हीआयसींत दुसरे पिळगेचे पांच उपगिरे आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.