भांगरभूंय | प्रतिनिधी
तेहरान, खबरां संस्था: इस्रायलान इराणाचेर हल्लोे केला. इस्रायलचे संरक्षण मंत्री इस्रायल काट्झ हांणी हाची पुश्टी केली आनी सांगलें, तांच्या झुजाच्या विमानांनी शुक्रारा सकाळी दुस्मान देशाचेर हल्लो केलो.
न्यू यॉर्क टायम्सच्या खबरां प्रमाण, इस्रायली सैन्यान तेहरान भोवतणी आशिल्ल्या उण्यांत उण्या ६ लष्करी तळांक लक्ष्य केलां. ह्या ६ मदल्या ४ सुवातांचेर अणु तळूय आसा.
इराणच्या सरकारी माध्यमांनी इस्लामीक रिव्होल्यूशनरी गार्ड कॉर्प्स (IRGC) चे कमांडर हुसेन सलामी इस्रायली हल्ल्यांतश्र् मरण आयिल्ल्याची पुश्टी केली.
अल-जझीराच्या खबरां प्रमाण, ह्या हल्ल्यांत इराणचे दोग मुखेली अणुशास्त्रज्ञ, मोहम्मद मेहदी तेहरानची आनी फेरेदून अब्बासी हांकांय मरण आयलें.
ह्या हल्ल्यांत इराणचे लश्कर मुखेली मोहम्मद बघेरी, हेर वरीश्ठ लश्करी अधिकारी आनी कांय वरीश्ठ अणुशास्त्रज्ञांकूय मरण आयिल्ल्याचो दावो इस्रायलान केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
