इश्टागत जिवितांतले एक सोबीत नातें
भांगरभूंय | प्रतिनिधी
इश्टागत हे दर एका मनशाच्या जिवितांतले एक सोबीत नातें. सामके ल्हान ते जाण्टे मेरेन दरेकल्याक एक तरी इश्ट आसता. मनशाच्या सुख- दुख्खाच्या काळांत सदांच ताका साथ दिवप म्हळ्यार इश्टागत. अशा इश्टागती खातीरचो हो दिस म्हणल्यार ‘फ्रेंडशिप डे’. दर वर्सा ऑगस्टाच्या पयल्या सप्तकाच्या पयल्या आयतारा फ्रेंडशिप डे मनयतात. अंदूं फ्रेंडशिप डे आयतार 6 ऑगस्टाक आयला.
‘फ्रेंडशिप डे’ चो इतिहास
1935 वर्सा अमेरिकेंत एका मनशाक मरण आयलें. ताच्या मरणाचो दोश सरकाराचेर घालो. त्या मनशाच्या मरणा उपरांत ताचो इश्टानय आत्महत्या केली. तेन्ना सावन तो दीस अमेरिकेंत ‘फ्रेंडशिप डे’ म्हूण मनोवपाक लागले.
1930 वर्सा हॉलमार्क ग्रीटिंग्स संस्थेचो संस्थापक जोएस हॉल हांणे आपल्या इश्टांक भेटवस्तू तशेंच ग्रीटिंग कार्डां धाडून इश्टागत दीस मनोवपाची कल्पना सादर केली. ल्हवू ल्हवू संवसारांतल्या जायत्या देशांनी ‘फ्रेंडशिप डे’ मनोवपाची पद्धत सुरु जाली. आयज ‘फ्रेंडशिप डे’ ऑगस्टाच्या पयल्या आयतारा संवसारांतल्या जायत्या देशांनी मनयतात.
हो दीस वेगवेगळ्या पद्धतीन सगळीजाणां मनयतात. ह्या दिसा निमतान इश्टांक खाशेल्यो भेटवस्तू दितात. एकमेकांच्या हांतात फ्रेंडशिप बेल्ट वा बॅण्ड बांदतात. खास करुन हाचें प्रमाण तरणाट्या मदीं चड दिसून येता.
फ्रेंडशिप डे हो इश्टांक समर्पीत केल्लो दीस. इश्टागती विशीं मोग आनी आपुलकी उक्तावपाचो हो दीस. आमच्या जिवितांत इश्टागतीचें म्हत्व दाखोवपी हो दीस. एकामेकां कडेन मोग, स्नेह, सुख, आनी भावपण वाडोवपा खातीर सगलेजाण फ्रेंडशिप डे मनोवया.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
