भांगरभूंय | प्रतिनिधी
पणजी, प्रतिनिधी : पर्वरें इव्ही बशीं खातीर स्वतंत्र चार्जिंग सुविधा उबारतले आनी ते दिकेन आमचें काम चालू आसा. ते भायर इव्ही बशींचो आंकडो वाडत वतलो तशें आमी गोंयभर चार्जिंग स्टेशनाचें जाळें घालतले, अशें कदंब महामंडळाचे अध्यक्ष उल्हास तुयेंकार हांणी सांगलें.
सध्या गोंय विद्यापीठ आनी कांपाल कदंब बशीं खातीर चार्जिंग पॉयंट आसात. आमी पांवड्या पांवड्यार तांतूत वाड करतले. पर्वरे व्हडले चार्जिंग स्टेशन उबारपा खातीर आमी सुवात पळयला बेगीनूच थंय अत्याधुनिक चार्जिंग सुविधा उबी जातली, अशे तुयेंकार हांणी सांगलें.
स्मार्ट सिटी खाला आमका 48 बशीं आयल्यात आनी तांतूतले फकत 6 चालीक लागल्यात. स्मार्ट सिटींतल्या रस्त्यांचें काम अजून जावपाचे आसा देखून ह्यो उरिल्ल्यो बशी आजून चालीक लावंक नात. दोन म्हयन्यांनी उरिल्ल्यो बसी रस्त्यार धांवतल्यो, अशी म्हायती तुयेंकार हांणी दिली. पणजे बस स्टँण्टांचेर सध्या चार्जिंग स्टेशन ना फकत मडगांव बस स्टँण्डांचेर चार्जिंग स्टेशन आसा. थंय चार्जिंग सुविधा येवची म्हूण आमी प्रस्ताव मांडला. ते भायर म्हापशें बस स्टँण्टांचेर आमी चार्जिंग स्टेशन उबारपांक सुरवात करपाचे आसात, अशें तांणी सांगलें.
आमकां शंभर बशी येवपाचो आसल्यो तांतूतल्यो फकत चारच बशी आयल्यात. मे मेरेन ते आमकां सगळ्यो बशी दिवपाचे आसले पूण मुजती भितर बशी दिवंक नाशिल्यान आमी तांका रु. 1 कोटींचो दंड दिला. सप्टेबर मेरेन 50 बशी येतल्यो, अशे तुयेंकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
