इलेक्ट्रीक, हायब्रीड आनी सीएनजी गाडयांची मागणी वाडली

भांगरभूंय | प्रतिनिधी

पेट्रोल गाडयांच्या विक्रीत फकत 1% वाड

मुंबय, खबरां संस्था ः सरकारी यत्नांक लागून आनी वाडिल्ले जागृतायेक लागून लोक आतां पेट्रोल- डीझेल गाडयां बदला इलेक्ट्रीक, हायब्रीड आनी सीएनजी गाडयां कडेन वचपाक लागल्यात. संवसारीक ऑटोमोटिव्ह मार्केट रिसर्च फर्म जाटो डायनामिक्सच्या म्हणण्या प्रमाण, फाटल्या अर्द्या वर्साच्या तुळेंत जुलय- सप्टेंबर ह्या काळांत इलेक्ट्रीक गाडयांची विक्री 112 टक्क्यांनी वाडल्या. हायब्रीड कारांची विक्री 1,195% आनी सीएनजी कारांची विक्री 32% वाडली. दुसरे वटेन पेट्रोल गाडयांची विक्री फकत 1% वाडली.

डिझेल विक्री 3% देवली, पेट्रोल ५.४% वाड

सप्टेंबरांत डिझेलाची विक्री वर्साक 3 टक्क्यांनी देंवून 5.81 लाख टन जाली. जाल्यार पेट्रोलाची मागणी 5.4 टक्क्यांनी वाडून 28 लाख टन जाल्या. फाटल्या वर्सा सप्टेंबरांत डिझेलाची विक्री 59.9 लाख टन जाल्यार पेट्रोलाची विक्री 59.9 लाख टन आशिल्ली.

सहामाहीत गाडयेची विक्री विक्रमी पांवड्यार

2022 वर्साच्या त्याच अर्दाच्या तुळेंत मोटारींची घावूक विक्री 7% वाडली आनी 20,70,326 च्या विक्रमी पांवड्यार पावली. कार निर्माते मारुती सुझुकीचे वरिश्ठ ईडी शशांक श्रीवास्तव हांणी सांगलें, फाटले अर्द वर्स गाडयेच्या विक्रीचे नदरेन सगळ्यांत बरें आशिल्लें.