भांगरभूंय | प्रतिनिधी
केंद्रीय येरादारी मंत्री नितीन गडकरी हांकां अर्ज सादर करतना सुदीप ताम्हणकार
पेडणें: केंद्र सरकारान इलेक्ट्रिकल वाहनांक परमिटची गरज नाशिल्ल्याची २०१८ ची अधिसुचवणी फाटल्यान घेवची, हे मागणे खातीर अखील गोंय खाजगी बस धनी संघटणेचे सरचिटणीस सुदीप ताम्हणकर हांणी दिल्लीक केंद्रीय भुपृष्ठ, येरादारी मंत्री नितीन गडकरी हांकां निवेदन दिल्लें. निमाणें केंद्र सरकारान हे विशींचें राज्यपत्र जाहीर केला. ह्या राजपत्रांत इलेक्ट्रिकल बसी आनी इलेक्ट्रिकल पर्यटन वाहनांक परमिटची गरज आशिल्ल्याचें म्हणलां.
केंद्र सरकारा वतीन तशेंच केंद्रीय येरादारी मंत्री नितीन गडकरी हांणी हे विशीं घेतिल्ले भुमिके विशीं खाजगी बस मालक संघटणेचे सरचिटणीस सुदीप ताम्हणकार हांणी समाधान उक्तायत नितीन गडकरी हांचे उपकार मानले. तांणी म्हणलें, आतां विवीध राज्यांत नव्या नेमां प्रमाण इलेक्ट्रिकल गाडयां विशींचे नेम दरेक राज्य करतलें. गोंयांतूय तें ह्यान फुडें सुरू जातलें, हाका लागून आमी समाधानी आशिल्ल्याचें तांणी सांगलें.
राजपत्रांत ते प्रमाण विवीध राज्यांक इलेक्ट्रिकल वाहनांक तशेंच केंद्रांतल्या विवीध राज्यांक, पर्यटन वाहनांक परमिटा खातीर विवीध तरेचें शुल्क घेतलां. ह्या राज्य पत्रांत म्हणलां, ह्या नेमांनी वापरिल्ले मात हांगा परिभाशीत करूंक नाशिल्ले आनी कायद्यांत परिभाशीत केल्ले नंबर कायद्यांत तांकां नियुक्त केल्ले नेम आसतले.
अखील भारतीय पर्यटन परवान्या खातीर अर्ज (१) अखिल भारतीय पर्यटन परवानो फकत पर्यटक वाहन चालकांच्या पर्यटन वाहनाकूच दितले. पर्यटन वाहना खातीर अखील भारतीय पर्यटन परवानो मंजूर करपाक वा अखील भारतीय पर्यटन परवान्याचें नुतनीकरण करपा खातीर अर्ज पोर्टलार इलेक्ट्रॉनीक स्वरूपांत फॉर्म १ त परिवहन प्राधिकरणा कडेन करचो. (३) उपनियम (२) खाला केल्ल्या अर्जां वांगडा टेबलांत नमूद केल्ल्या प्रमाण शुल्क आसतलें.
धा वा ताचे परस चड मात तेवीस परस चड बॅटरीचेर चलपी पर्यटक वाहन आनी मिथेनॉल-एर इथेनॉल इंधनाचेर चलपी पर्यटक वाहन आसल्यार, कसलोच परवानो शुल्क भरिनासतना आयएल इंडिया पर्यटन परवानो जारी करतले
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
