इलावेनील वलारिवनान आयएसएसएफ शूटींग वर्ल्ड कप सर्तींत भांगरा पदक

भांगरभूंय | प्रतिनिधी

खबरां संस्था
रिओः ऑलिम्पीक पदक जैतिवंत इलावेनील वलारिवनान रिओतले आयएसएसएफ शूटींग वर्ल्ड कप सर्तींत 10 मीटर ऍर रायफलांत भांगरा पदक मेळयलें. फायनलींत 252.2 स्कोरान ताणे पयली सुवात मेळयली. फायनलींत 24 शॉटांत ताणे केन्ना 10.1 च्या उणो स्कोर केलो ना. फ्रान्साच्या ओसिएना मुलरान 251.9 स्कोरान रुप्याचें आनी चीनाच्या झांग जियालेन कांस्या पदक मेळयलें.
पांच शॉटां उपरांत इनावेनील 52.6 स्कोरना हेर दोन शूटरां वांगडा संयुक्त रुपान दुसरे सुवातेर आशिल्लें  जाल्यार चीनाच्या झांग जियाले 53.4 स्कोरान पयले सुवातेर आशिल्लें. 10 शॉटा उपरांत झांग यू पयले सुवातेर आशिल्लें. 12 व्या शॉटा उपरांत ऑस्ट्रेलियाचे शूटर मार्लीन प्रिबिट्जर  भायर पडलें आनी आठव्या सुवातेर उरलें. 16 शॉटां उपरांत हेर खंयच्यो शूटरां वागडा इलावेनील पयले सुवातेर कायम रावलें. 17 व्या शॉटा उपरांत तें दुसरे सुवातेर गेलें. 2 शॉट बाकी आशिल्ले तेन्ना तें 0.5 अंतरान फुडें आशिल्लें. निमाण्या शॉटांत 10.6 स्कोरना ताणे फ्रान्साच्या शूटरा पयर तें 0.3 गुणांनी फुडें रावंन ताणे भागरा पदक जिखलें.
शेनवारा सकाळी पात्रतायेचे फेरयेंत इलावेनील निमाणे सुवातेर आशिल्ले. आठवी सुवात मेळोवन ताणे फायनलींतली आपली सुवात निश्चीत केली. मिश्र टीम इव्हेंटांत संदीप कुमारा वांगडा इलावेनील पांचवी सुवात मेळयली. ताणे 629.1 स्कोर केलो.