भांगरभूंय | प्रतिनिधी
-चित्रपटांंचो उत्सव सोंपलो : मायकल डग्लसाक जिणें गौरव पुरस्कार
सर्वोत्कृश्ट चित्रपट : एंडलेस बॉर्डर्स (इराण)
उत्कृश्ट दिग्दर्शक : स्टीफन कोमनदारेव (ब्लागाज लेसन)
उत्कृश्ट अभिनेता : पौरीया राहिमी सॅम (एंंडलेस बॉर्डर्स)
उत्कृश्ट अभिनेत्री : मेलोनी थिओरी (पार्टी ऑफ फुल्स)
ज्युरी मंंडळ इनाम : ऋशभ भट्ट (कांंतरा)
उत्कृश्ट उभरतो दिग्दर्शक : रेगेर आजाद काया (व्हेन सिडलींग ग्रोज)
आयसीएफटी युनेस्को गांंधी पदक : ड्रिफ्ट (अँथनी चेन, फ्रान्स)
सर्वोत्कृश्ट वेब सीरीज : पंचायत 2
पणजी : चित्रपट महोत्सवांतलो प्रतिश्ठेचो भांंगरा मोर पुरस्कार अब्बास अमिनी दिग्दर्शीत एंडलेस बॉर्डर्स चित्रपटाक फावो जाला. अंदूंचे आयसीएफटी युनेस्को गांंधी पुरस्कार अँथनी चेन दिग्दर्शीत ड्रिफ्ट चित्रपटाक मेळ्ळे. अंंदूं पयलेच खेपे सुरू जाल्लो सर्वोत्कृश्ट पुरस्कार वेब सिरीज (ओटीटी) पंचायत 2 ह्या सिरिजान जिखलो. चित्रपट महोत्सवाचो समारोप मंंगळारा डॉ. श्यामा प्रसाद मुखर्जी स्टेडियमाचेर जालो.
समारोपाच्या कार्यावळीक मुख्यमंंत्री डॉ. प्रमोद सावंंत, अभिनेते आयुष्यमान खुराना, अभिनेत्री इशा गुप्ता, गायक हरिहरन हांंचे सयत चित्रपट वाठारांतले कलाकार हाजीर आशिल्ले. दोन खेपे ऑस्कर पुरस्कारान भोवमानीत जाल्ले हॉलीवूड अभिनेते मायकल डग्लस हांंकां सत्यजीत रे जिणेंगौरव पुरस्कार भेटयलो.
चित्रीकरणाचें परवाने बेगोबेग : मुख्यमंंत्री
चित्रपटाच्या चित्रीकरणा खातीर गोंय हे सर्वोत्कृश्ट थळ आसा. चित्रीकरणा खातीर जे परवाने लागतलें, ते बेगोबेग दिवपाची वेवस्था जातली, अशें मुख्यमंत्री डॉ. प्रमोद सावंंत हांंणी सांंगलें. चित्रीकरणा खातीर गोंय हो स्वर्ग. गोंयची पांचवीचार झाडां, न्हंंयो, रानां आनी गांवां चित्रपटांतल्या सीना खातीर फावोशी थारतात. इतिहासीक आनी आधुनीक गजालींचो संंगम गोंयांंत आसा. हाका लागून इतिहासीक, आधुनीक वा मनरिजवण करपी चित्रपटांंचे चित्रीकरण गोंयांंत शक्य आसा. आतां देशांंत चित्रीकरण करपी विदेशी चित्रपटांंक अर्थीक सवलत जाहीर जाल्या.
केंंद्रीय मंत्र्यांंनी मानले उपकार
केंंद्रीय म्हायती आनी प्रसारण मंंत्री अनुराग ठाकूर हांंणी व्हर्च्युअल पद्दतीन समारोपाच्या कार्यावळींत संंवाद सादलो. चित्रपट संचालनालय, गोंय सरकार आनी कलाकारांच्या सहकार्याक लागून चित्रपट महोत्सव येसस्वी थारलो, अशें केंंद्रीय मंंत्री अनुराग ठाकूर हांणी सांंगलें.
परिक्षक मंडळाचे अध्यक्ष शेखर कपूर हांंचें भाशण जाले. हेर देशांतले वातावरण तशेंच संंस्कृती जाणून घेवपा खातीर विदेशी चित्रपट लोकांं मेरेन पावपाची गरज आसा. चित्रपट महोत्सवाक लागून विदेशी चित्रपट पळोवपाची संंद रसिकांंक मेळटा, अशें शेखर कपूर हांंणी सांंगलें.
चित्रपटांं मदीं संंवसाराक एकठांंय हाडपाची तांंक : मायकल डग्लस
चित्रपटांतल्यान समाज, संंस्कृती आनी विचारांंचे दर्शन जाता. चित्रपटां मदीं संंवसाराक एकठांंय हाडपाची तांंक आसा. तशेंच चित्रपटांं मदी समाजांत बदल घडोवन हाडपाची तांंक आसता, अशें मायकल डग्लस हांंणी सांंगलें.
फाटल्या सोमारा चित्रपट महोत्सवाचें उक्तावण जाल्ले. महोत्सवांत आठ दिसांंत तरेकवार गटांत मेळून 300 परस चड चित्रपटांंचे प्रदर्शन जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
