भांगरभूंय | प्रतिनिधी
लोवन मॅचीक सुरवात केली आनी पळयता पळयता मॅच क्विन्स इंडियन ओपनींग वटेन वळ्ळी. खेळांतले चवथेच चालींत डिंग लिरेनान आपल्या हतयाच्या मुखा वयली घूल एक घर चलून खेळांत नवी स्थितींत व्हरपाचो यत्न केलो. पूण, खेळाच्या 13वे चालींतूच ताका ही अतिरिक्त चाल बरीच म्हारग पडली आनी ते उपरांत नेपोम्नियाशीची स्थिती घटमूट जायत गेली. खेळाच्या 20वे चालींत नेपोन योग्य रणनिती खाला हतयाचो बळी दिलो. ताची ही चाल उत्कृश्ट आशिल्ली. हे चाली उपरांत 26वे चालींत लिरेंगान हार मान्य केली.
तिसरी मॅच एक दिसाच्या विसवा उपरांत जातली. 14 फेरयांचे हे सर्तींत पयलीं 7.5 गूण करतलो तो वस्ताद थारतलो. सध्या नेपोम्नियाशी 1.5-0.5 असो मुखार आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
