इमॅक्युलेट कन्सेप्शन पॅरीश युथाक वस्तादपण

भांगरभूंय | प्रतिनिधी

पाड्डेंच्या इमॅक्युलेट कन्सेप्शन पॅरीश यूथ क्लबान राशोलच्या अवर लेडी ऑफ ग्लोरिया पॅरीश यूथ क्लबाक 2-0 अशा गोल फरकांनी हारोवन आरियल मैदानाचेर खेळयिल्ले इनासियो व्हिएगश फुटबॉल सर्तीचें वस्तादपण जोडलें.

जेम्स डायस आनी जॉएल फर्नांडीस हांणी इमॅक्युलेट कन्सेप्शन पॅरीश युथाक वस्तादपण मेळोवन दिवपाक मोलादीक योगदान दिलें. दोगांयनी दरेकी एक गोल केलो.

ह्या जैतान इमॅक्युलेट कन्सेप्शन पॅरीश युथाक 15 हजाराचें इनाम आनी करंड फावो जालो, जाल्यार उप वस्ताद अवर लेडी ऑफ ग्लोरिया पॅरीश युथाक 10 हजारांचें इनाम आनी करंडाचेर समाधान मानचें पडलें.

वैयक्तीक इनामांः जेम्स डायस (फायनलींतलो पयलो गोल, इमॅक्युलेट कन्सेप्शन पॅरीश यूथ), जॉएल फर्नांडीस (फायनलींतलो सर्वोत्कृश्ठ फॉरवर्ड खेळगडो, इमॅक्युलेट कन्सेप्शन पॅरीश यूथ), सॅमी तावारीस (फायनतींतलो सर्वोत्कृश्ठ गोलकीपर, अवर लेडी ऑफ ग्लोरिया पॅरीश यूथ), अॅरोन ओलिव्हेरा (सर्तींत सगल्यांत चड गोल, सां जुझे दी आरियल पॅरीश), जॉसवेल कार्दोझ ( फायनलींतलो सर्वोत्कृश्ठ मिडफिल्डर आनी मॅन ऑफ द मॅच, अवर लेडी ऑफ ग्लोरिया पॅरीश यूथ).