भांगरभूंय | प्रतिनिधी
पणजीः भारतीय अंतरराष्ट्रीय चित्रपट महोत्सवाच्या आयोजना खातीर गोंय मनरीजवण संस्थेन विवीध विभागांत कर्मचारी भरती खातीर अर्ज मागयल्यात. १० ऑक्टोबर अर्ज करपा खातीर निमणी तारीख आसा, अशी कळोवणी गोंय मनरीजवण संस्थेन जारी केल्या.
५६ इफ्फी २०२५चें आयोजन आनी हेर कार्यावळी घडोवन हाडपा खातीर महोत्सवाचे कालावधींत तात्पुरते कर्मचारी नियुक्त करपा खातीर इएसजीन अर्ज घेवपाक सुरवात केल्या. फकत इफ्फीच्या काळा मेरेनच ही कर्मचार्यांची नियुक्ती आसतली आनी ही नियुक्ती सासणा खातीर आसची ना.
इफ्फी २०२५च्या विवीध विभागांत आनी कार्यावळी घडोवन हाडपा खातीर मार्गदर्शन करपी स्वयंसेवक, हॅल्प डेस्क, डेलिगेट नोंदणी, कटेंट रायटर, डिझायनर, व्हिडीयोग्राफी आनी फोटोग्राफी, सादरीकरण, कार्यावळ संयोजक, पिकॉक पंगडात हे कर्मचार्यांची नियुक्ती जातली.
इत्सुकांनी आपलो अर्ज पणजे इएसजीचे कचेरेंत १० ऑक्टोबर मेरेन सांजेच्या ५ वरां पयली दाखल करचो. उपरांत कसलेच अर्ज स्विकारचेनात, अशी कळोवणी इएसजीन जारी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
