भांगरभूंय | प्रतिनिधी
चार मराठी चित्रपटां सयत एका म्हायतीपटाचोय आस्पाव; 345 चित्रपट आनी 242 म्हायतीपटांची नोंदणी
भांगरभूंय प्रतिनिधी
पणजी : भारतीय आंतरराष्ट्रीय चित्रपट महोत्सवाच्या (इफ्फी) इंडियन पॅनोरम विभागांत गोंयच्या ‘वाग्रो’ ची चित्रपटाची निवड जाल्या. ह्या विभागांत 25 चित्रपट आनी 20 म्हायतीपटांची निवड जाल्या. हातूंत 4 मराठी चित्रपटा सयत एका म्हायतीपटाचो आस्पाव आसा. 20 ते 28 नोव्हेंबर मजगतीं हो महोत्सव जातलो.
देशभरांतल्यान 345 चित्रपट आनी 242 म्हायतीपटांची नोंदणी जाल्ली. तातूंत उत्कृश्ट सिनेमॅटीक, संकल्पना आनी सौंदर्यशास्त्र ह्या निकशांचेर चित्रपटांची निवड केल्या. दिग्दर्शक, एडीटर विनोद गंतारा हांचे अध्यक्षते खाला अणभवी आनी तज्ञ 12 परिक्षकांनी चित्रपटांचे परिक्षण केलां. जाल्यार चित्रपट निर्माते, लेखक, राष्ट्रीय पुरस्कार जैतिवंत ओईनाम दोरेन हांच्या अध्यक्षते खाला 6 तज्ञांचे समितीन म्हायतीपटांचे परिक्षण केलां.
कार्तीक राजा (सिनेमॅटोग्राफर), आनंद ज्योती (संगीतकार, लेखक आनी निर्माते), डॉ. अनुराधा सिंग (निर्माती, एडिटर), अशोक कश्यप, जुगल देबाता (निर्माते, दिगदर्शक, सिनेमॅटोग्राफर), एनूमूला प्रेमराज (दिग्ददर्शक, पटकथा लेखक), गीता गुरुप्पा (सावंड इंजिनिअर), इमो सिंग, व्ही.एन. आदित्य (निर्माते, दिग्दर्शक व लेखक), शैलेश दवे, शिभू सुशेलन (निर्माते) आनी लेखक तशेंच चित्रपट समिक्षक विष्णू शर्मा हांणी चित्रपटांचें परिक्षण केलां.
म्हायतीपटांच्या परिक्षकांचे वळेरेंत राकेश मित्तल, चंद्रशेखर ए. (चित्रपट समीक्षक, पत्रकार), हरीश भिमानी (निर्माते, पटकथा लेखक, निवेदक, अभिनेता), मनीष सैनी (निर्माते, लेखक, एडीटर), पी. उमेश नाईक (निर्माते, पत्रकार), संस्कार देसाई (पटकथा लेखक) हांचो आस्पाव आसा. मजगतीं, वट्ट दोन हजार 800 वांगड्यांनी इफ्फी खातीर नोंदणी केल्या. शुक्रारा विवीध कामां खातीर निविदा उक्त्यो केल्यो. गोंयांत इफ्फीचे तयारेक बरोच नेट आयला. अंदूं कला अकादमी इफ्फी खातीर उक्ती जावपाची शक्यताय उणीच. मुख्यमंत्री डॉ. प्रमोद सावंत कला अकादमीच्या कामाची पळोवणी केले उपरांत तशें सांगलां.
‘हडीनेलेन्तु’ कन्नड चित्रपटान सुरवात
थ्री ऑफ अस, द स्टोरी टेलर, मेजर, सिया, द कश्मीर फाईल्स (हिंदी), धाबारी कुरुरी (इरुला), नानू कुसुमा (कन्नड), लोटस ब्लूम्स (मैथिली), अरियीप्पू, सौदी वेल्लेका CC.225/2009 (मल्याळम), फ्रेम, शेर शिवाजी, एकदा काय झालं, धर्मवीर: मुक्काम पोस्ट ठाणे (मराठी), प्रतिक्षा (ओरिया), कुरंगु पेडल, किदा, जय भीम (तामीळ), सिनेमा बंदी, कुदीराम बोस, आरआरआर, अखंड (तेलगू) टॉनीक, महानंदा (बंगाली) ह्या चित्रपटांची निर्मिती जाल्या.
‘शो मस्ट गो ऑन’ इंग्लीश म्हायतीपटान सुरवात
पाताल -ती (भोतिया), टांग, आयुषमान, आदर रे: आर्ट ऑफ सत्यजित रे, गुरुजन, हतिबंधू, क्लिंटन (इंग्लीश), खजुराहो : आनंद और मुक्ती, विभाजन आनी विभिशा, अनकही कहानियाँ, फातिमा, छू मेद ना यूल मेद, बिफोर आय डाय (हिंदी), मध्यंतर (कन्नड), वितीलेक्कू (मल्याळम) बियाँड ब्लास्ट (मणिपुरी), रेखा (मराठी), यनम (संस्कृत), लिट्ल विंग्स (तामीळ) ह्या म्हायतीपटांची निवड जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
