इफ्फींतल्या आंतरराष्ट्रीय सर्त विभागांतल्या चित्रपटांची घोशणा

भांगरभूंय | प्रतिनिधी

पणजी: ५६व्या भारतीय आंतरराष्ट्रीय चित्रपट महोत्सवान निमाणें आंतरराष्ट्रीय सर्तीच्या विभागांतल्या चित्रपटांची वळेरी जाहीर केल्या. हे सर्तींत वट्ट १५ चित्रपट आसात. हातूंतले १२ आंतरराष्ट्रीय आनी तीन भारतीय चित्रपट आसात. हे चित्रपट आयच्या संवसारीक सिनेमांतल्या उत्कृश्ट कलाकृतींचें प्रतिनिधित्व करतात.
संवसारीक सिनेमांतलो सगल्यांत प्रतिश्ठीत सन्मान मदलो एक मानपी ‘गोल्डन पीकॉक’ पुरस्कार आंतरराष्ट्रीय जुरी वरवीं भेटतले. ह्या जूरीचो अध्यक्ष नामनेचो भारतीय फिल्म दिग्दर्शक राकेश ओमप्रकाश मेहरा आसतले. ह्या ज्युरीच्या हेर वांगड्यांत ऑस्ट्रेलियेचो संपादक आनी दिग्दर्शक ग्रेम क्लिफर्ड, जर्मन अभिनेत्री कॅथरीना शूट्लर, श्रीलंकन चित्रपट निर्माते चंद्रन रत्नम आनी इंग्लंडचे फोटोग्राफर रेमी अडेफारासिन हांचो आसपाव आसतलो.
‘गोल्डन पीकॉक’ पुरस्कार विजेत्याक ४० लाख रुपया रोख इनाम दितले. हाचे भायर ज्युरी उत्कृश्ट दिग्दर्शक, उत्कृश्ट अभिनेतो, उत्कृश्ट अभिनेत्री आनी खाशेलो ज्युरी पुरस्कार ह्या वर्गांतय पुरस्कार दितले. वट्ट ९० लाख रुपया इनामां म्हणून भेटयतले.
अंदूंचे आंतरराष्ट्रीय सर्तींत संवसारभरच्या चित्रपटां वरवीं सिनेमॅटिक उत्कृश्ठतायेचो एक उत्सव मनयतले:

१. अमरुम (Amrum)
दिग्दर्शक : फातिह अकिन. २०२५ च्या कान्स चित्रपट महोत्सवांत प्रदर्शीत
ज्येश्ठ जर्मन चित्रपट निर्मातो हर्क बोहम हाणें सह-लेखन केल्ल्या अमरुम ह्या चित्रपटांत जर्मन-तुर्की ईतिहासीक नाट्य आनी दुसर्‍या महायुद्धाच्या निमाण्या दिसांनी उत्तर दर्यांतल्या अमरुम बेटार घडपी कथा आसा.

२. ए पोएट (Un Poeta)
दिग्दर्शक : सिमोन मेसा सोतो
कान्स २०२५ त प्रदर्शित जाल्ल्या, अन सर्टेन रिगार्ड हे श्रेणीत ज्युरी पुरस्कार जिखपी तशेंच ९८ व्या अकादमी पुरस्कारां खातीर कोलंबियाची अधिकृत प्रवेशिका म्हणून निवड जाल्लो हो चित्रपट एक काळजाक हात घालपी असो ट्रॅजीकॉमेडी आसा. हो चित्रपट जाण्टे कवी ऑस्कर रेस्ट्रेपो आनी ताची प्रतिभावान शिश्य युरलाडी हांचे मदल्या नात्याचे आदारीत आसा.

३. से सि बोन (C’est Si Bon / Moi qui t’aimais)
दिग्दर्शक: डायन कुरिस
नामनेचे फ्रेंच चित्रपट दिग्दर्शक डायन कुरेश हांचो हो भावनीक प्रेम कथनात्मक चित्रपट सिमोन सिग्नोरे आनी यव्ह मॉंतॉं हांचे जिणेचेर निमाण्या काळांतले मोगाचे कथेक जिवो करता.

४. लिटिल ट्रबल गर्ल्स (Little Trouble Girls /Kaj ti je deklica)
दिग्दर्शक: उरश्का ज्युकीच
स्लोव्हेनियाचा हो पयलो चित्रपट २०२५ च्या बर्लिन आंतरराष्ट्रीय चित्रपट महोत्सवांत प्रदर्शीत जालो. हो चित्रपट टेडी पुरस्कार आनी सर्वोत्कृष्ट चित्रपट पुरस्कारा खातीर सर्तीच्या रिंगणांत आशिल्लो. हो चित्रपट ९८ व्या अकादमी पुरस्कारां खातीर स्लोव्हेनियाचो अधिकृत प्रवेशिका आशिल्लो.

५. मॉस्किटोज (Mosquitoes /Le bambine)
दिग्दर्शक: व्हॅलेंटिना आनी निकोल बर्टानी
हो चित्रपट २०२५ च्या लोकार्नो चित्रपट महोत्सवांत प्रदर्शीत जालो आनी ह्या चित्रपटाक गोल्डन लेपर्ड पुरस्कारा खातीर नामांकन मेळिल्लें. १९९० च्या दसकांत इटलींत घडपी ही कथा विनोदी नाट्य आसून तीन चलयांच्या नात्याचेर आसा.

६. मदर्स बेबी (Mothers Baby)
दिग्दर्शक : जोहाना मोडर
बर्लिन आंतरराष्ट्रीय चित्रपट महोत्सव २०२५ त प्रदर्शीत जाल्लो हो चित्रपट एक तणावपूर्ण ऑस्ट्रियन सायकोलॉजिकल थ्रिलर आसा. हो चित्रपट ज्युलिया हे ४० वर्सां पिरायेचे बायलेची कथा सांगताा.

७. माय फादर्स शॅडो (My Father’s Shadow)
दिग्दर्शक: अकिनोला डेव्हिस ज्युनियर
कान्स चित्रपट महोत्सवाच्या अधिकृत निवडीत आसपाव जावपी हो पयलो नायजेरियन चित्रपट. Special Mention: Caméra d’Or, Cannes 2025 पुरस्कार मेळपी हो चित्रपट एक आत्मचरित्रात्मक नाट्य जावन आसा.

८. रेनोइर (रुनोवारु)
दिग्दर्शक: ची हायाकावा
प्लॅन ७५ चे प्रसिद्ध जपानी चित्रपट निर्माते १९८७ मधील टोकियो उपनगराची फाटभूंय आशिल्ले एक काव्यात्मक ’किशोरावस्था’ नाट्य घेवन आयल्यात.

९. शाम (डिटेचिएज: सत्सुजिन क्योशी ते योबरेटा ओटोको)
दिग्दर्शन – ताकाशी मिइके
जपानी लेखके कडल्यान मासुमी फुकुदाच्या फॅब्रिकेशनने प्रेरित एक विचारप्रवर्तक कोर्ट ड्रामा घेवन आयल्या. ट्रिबेका २०२५ आनी मेलबर्न आंतरराष्ट्रीय चित्रपट महोत्सवांत प्रीमियर जाल्लो, शाम एका शिक्षकाच्या कथे वरवीं नैतिकता, सत्य आनी धारणा तपासताा, जाचेर एका विद्यार्थ्याक आत्महत्येक प्रवृत्त केल्ल्याचो आरोप आसा.

१०. स्किन ऑफ युथ (Ồn ào tuổi trẻ)
ऍश मेफेअर दिग्दर्शीत

२०२५ च्या न्यूयॉर्क आशियाई चित्रपट महोत्सवंात स्पेशल ज्युरी पुरस्कार जैतवंत. हे व्हिएतनामी नाट्य १९९० च्या दशकांतलें सायगॉनमधील सॅन आनी नामच्या अनिश्‍चीत जिणेंतलें आनी प्रेम आनी वळखी खातीर तांणी केल्लो संघर्श दाखयता.

११. सॉन्गस ऑफ आदम
दिग्दर्शक: ओदे रशीद
रेड सी आंतरराष्ट्रीय चित्रपट महोत्सव २०२४ त प्रीमियर जालो. १९४६ च्या मेसोपोटेमियाची फाटभूंय आशिल्लें हें काव्यात्मक नाट्य एका भुरग्याची कथा.

१२. द व्हिज्युअल फेमिनिस्ट मॅनिफेस्टो
दिग्दर्शक: फरीदा बाकी
२०२५ वर्सा रॉटरडॅमच्या आंतरराष्ट्रीय चित्रपट महोत्सवांत प्रीमियर जाल्लो एक आकर्शक पयलो चित्रपट, जांणी युवा ज्युरी पुरस्कार जिंखलो. हा चित्रपट एका अज्ञात अरब शारांत एके तरणाटेच्या जल्म ते प्रौढ मेरेनचो प्रवास दाखयता.

१३.अमरन (द इमॉर्टल)
दिग्दर्शक: राजकुमार पेरियासामी
शिव अरुर आनी राहुल सिंग हांच्या इंडियाज मोस्ट फियरलेस: ट्रू स्टोरीज ऑफ मॉडर्न मिलिटरी हिरोजचेर आधारीत तमिळ चरित्रात्मक झुज-नाट्य. २०१४ च्या काझीपाथ्री ऑपरेशनवर आधारीत, हो चित्रपट मेजर मुकुंद वरदराजन हांच्या शौर्य आनी बलिदानाचें दर्शन घडयता.

१४. सरकीत (अ शॉर्ट ट्रिप)
दिग्दर्शक: थलावा केव्ही
मल्याळम चित्रपट निर्मात्याचें जिवाभावाचें कुटुंबीक नाट्य बालू आनी स्टेफी हांचेर आदारीत आसा. जें तांच्या एडीएचडी-निदान जाल्ल्या भुरग्या सयत परदेशंात संघर्श करपी पालक आसा.

१५. गोंधळ (महाराष्ट्रीयन विधी)
दिग्दर्शक: संतोष डावखर
राष्ट्रीय पुरस्कार जैतिवंत चित्रपट निर्मात्या कडल्यान गांवगिर्‍या महाराष्ट्रांतल्या गोंधळाच्या विधी मजगतीं घडिल्लें एक भिरांकूळ नाट्य.

शैली, आवाज आनी राष्ट्रांच्या विवीध मिश्रणा सयत, इफ्फी २०२५तली आंतरराष्ट्रीय सर्त संवसारीक सिनेमॅटिक उत्कृश्ठतेचें प्रदर्शन करपी एक घटमूट माची म्हूण उबी आसा. जी शीम हुपून सर्जनशीलता, दृष्टी आनी कथाकथनाचो सन्मान करता.