भांगरभूंय | प्रतिनिधी
नवी दिल्ली, खबरां संस्था ः आयटी दिग्गज कंपनी इन्फोसिस ही ‘टायम’ नेमाळ्याच्या ‘वर्ल्ड बेस्ट कंपनीज 2023’ च्या टॉप 100 वळेरेंतली एकसुरी भारतीय कंपनी. बंगळुरूंतली इन्फोसिस कंपनी 88.38 गुण मेळोवन 750 संवसारीकक कंपनीं मदीं 64 वे सुवातेर आसा. हे वळेरेंत मायक्रोसॉफ्ट पयल्या क्रमांकाचेर, अॅपल दुसऱ्या क्रमांकाचेर, आल्फाबेट तिसऱ्या आनी मेटा प्लॅटफॉर्म चवथ्या क्रमांकाचेर आसा.
1981 वर्सा स्थापन जाल्ली इन्फोसिस ही एनवायएसईंत नोंद जाल्ली जागतीक सल्लागार आनी आयटी सेवा कंपनी. ह्या कंपनीच्या संकेतथळा प्रमाण 3,36,000 परस चड कमगार काम करतात.
इन्फोसिस ही फकत पयल्या 100 कंपनींत सुवात मेळोवपी एकमेव भारतीय कंपनी न्हय, तर हे वळेरेंतल्या पयल्या 3 जागतीक वेवसायीक सेवा कंपनीं मदली एक कंपनी.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
