भांगरभूंय | प्रतिनिधी
नवी दिल्ली, खबरां संस्था : इथिओपियाच्या ज्वालामुखींतलो गोबोर उदेंते वटेन वचपाक लागिल्ल्यान, भारतांत गंभीर परिस्थिती निर्माण जाल्या. जर ह्या गोबराचे कण विमानाक आपटल्यार दुर्घटना जावपाचो भंय आसा. ज्वालामुखीचो गोबर ४५,००० फूट उंचाये मेरेन पावला, विमानां जरी ते पातळे परस सकयल्यान उडटात, तरी भारतांत अशें स्थितीक तोंड दिवपाचो हो पयलोच वेळ. हाका लागून सरकारान रिअल-टायम ज्वालामुखी गोबर प्रतिसाद प्रोटोकॉल सक्रिय केलो. एव्हिएशन मंत्रालय, एअर ट्रॅफिक कंट्रोल, हवामान विभाग, एअरलायन्स आनी आंतरराष्ट्रीय विमान येरादारी एजन्सींच्या देखरेखी खाला एकठांय येवन काम केलें.
एअरपोर्ट्स अथॉरिटी ऑफ इंडियान पयलीं एअरलायन्साक शिटूक केलें. उपरांत, एक सूक्ष्म-अवसरण मॉडेल लागू केलें, जाका लागून कांय विमानांक तांच्या उण्यात उण्या उड्डाण उंचाये परस २००० ते ४,००० फूट सकयल्यान उड्डाण करचें पडलें. दिल्ली मुंबयच्या विमान उड्डाणांचें सेगीत निरीक्षण केलें.
आतां हीं गोबराचीं कुपां चीना वटेन वळपाक लागल्यांत. तीं वातावरणाच्या वयल्या भागांत (ट्रॉपोस्फीअर) आसात आनी विमानांचेर ताचो परिणाम करपाक शकतात. जतनाय म्हणून, एअर इंडियान १३ उड्डाणां रद्द केल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
