भांगरभूंय | प्रतिनिधी
ज्वालामुखीचो गोबर भारता मेरेन पावपाची शक्यताय: २ उड्डाणां रद्द
इथियोपिया, खबरां संस्था: इथियोपियांत एक ज्वालामुखी १२ हजार वर्सां उपरांत अचकीत आयतारा फुटलो. ह्या उद्रेकांत भायर सरपी धुंवर सुमार १५ किमी उंचाये मेरेन पावलो आनी रेड सी हुपून येमेन आनी ओमान मेरेन पावलो.
हो उद्रेक अफार प्रदेशांतल्या हेली गुब्बी ज्वालामुखींत जालो. हो सामको पोरणो आनी शांत ज्वालामुखी आशिल्लो, आयज मेरेन ताची कसलीच नोंद नाशिल्ली. हे घडणुकेंत कोणाकूच कांय जावंक ना. मात येमेन आनी ओमानच्या सरकारान लोकांक, विशेश म्हणल्यार जांकां स्वास घेवपाक त्रास जातात, तांकां सावध रावपाक सांगलां.
मळबांत पातळिल्ल्या गोबराक लागून विमानांकूय आडमेळीं येवपाक लागल्यांत. हो गोबोर भारता मेरेनूय पावपाची शक्यताय आसा, हाका लागून दिल्ली- जयपूर सारकिल्ल्या वाठारांतल्या विमानांचेर लक्ष दवरलां.
अधिकार्यांनी सांमलें, ज्वालामुखीच्या उद्रेक आनी स्फोटाक लागून सोमारा कोची विमानतळा वेल्यान वचपी दोन आंतरराष्ट्रीय उड्डाणां रद्द केलीं. गोबराचे कण इंजिनाक लुकसाण करपाक शकतात, हाका लागून आंतरराष्ट्रीय विमान येरादारी प्रोटोकॉल प्रमाण जतनाय घेतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
