भांगरभूंय | प्रतिनिधी
ए खादो विशय शिकतना तातूंत व्हडलें कितें केलें जाल्यार आमी तें समजूंक शकता. मात कुंकळेचो अभिदीप विष्णू देसाय हांणी गणित शिकयतनाच इतिहासाची आवड निर्माण करून वेगवेगळ्या कार्यावळी केल्यो. त्या विशयाचो मोग वाडटलो कसो हाचो विचारुय तो करता. ते विशीं ताका विचारचें अशें दिसलें.
इतिहासांत करियर करूंक जाता, अशें ताणें सांगलां. ताणें व्हड वळेरीच म्हाका धाडली. तीच तुमकां सांगतां. शिवाजी महाराजांचेर तुमी मुळाव्या पांवड्याचेर तुमी शिकोवपाक शकतात. तांचे विशीं खबर ना असो कोण ना. विद्यापीठाच्या पांवड्याचेर पसून तुमी हें शिकोवपाक शकतात. नाजाल्यार तुमी इतिहासांत तुमकां आवडटा तो भाग घेवन ताचेर उलोवंक शकतात. गोंयचो विचार केल्यार हांगा शिवाजी महाराजान केल्ल्या म्हान कार्याचेर उजवाड घालूं शकता. अशे जायते विशय आसात, जे लोकां मेरेन पावोवपाचो यत्न करतां.
आमचो कुंकळ्ळी गाव हो इतिहासांत सामको प्रसिद्ध आसा. म्हाका इतिहासाची आवड लागपाक तें कारण पुरो. युगांतर हे संघटने वरवीं तांचो वावर चालू आसा. आरएसएस हे संघटनेचो, संपर्क हे संघटनेचो वावर लागच्यान पळोवपाची देसाय हांकां संद मेळ्ळी. अखिल भारतीय विद्यार्थी परिशदेच्या राष्ट्रीय पांवड्याचेर ताणें केल्ल्या कामाक लागून ह्या वावराक चड नेट आयलो. स्वता ते नावेलेच्या गांवस उच्च माध्यमिक विद्यालयांत विज्ञान फांट्यांत फिजिक्स, गणित हे म्हत्वाचे विशय शिकयतात. इतिहास हो फक्त तारखो मतींत दवरपा पुरतो ना. तर तातूंत खरो मनीसकायेचो इतिहासा आसा. शाळेंत संद मेळटा तेन्ना इतिहासाचेर हांव उलोवपाक वतां. हो विशय सगल्यांक आसपाक जाय, अशें देसाय सांगतात.
इतिहास हो म्हत्वाचो विशय. पूण तातूंत तुमकां आवड आसपाक जाय. जर ती आसत, जाल्यार कितलो वेळ जालो, हाचो विचार करपाक पसून तुमचे कडेन वेळ आसचो ना. इतलो तो विशय बरो आसा. तुमकां इतिहासाचो आस्वाद घेवपाक खंयच्याय वेळार घरांतले भायर सरचें पडूं येता. गोंयांतूच कितलेशेच विशय आसात. जाचेर संशोधन करपाक मेळटा. दिवचले, नार्वेंचें सप्तकोटेश्वर देऊळ. ते शिवाजी महाराजान परत बांदिल्लें. हाचे विशीं जाणून घेवं येता. इतिहासाची आवड आसल्यास पर्यटन गायड म्हूण तुमी काम करपाक शकतात. संशोधक, उत्खनन मळाचेर बरे उमेदवार मेळप गरजेचें. संग्रहालय, पुरातत्व विभाग, क्यूरेटर म्हूण काम करपाक शकतात. खाजगी मळांचेरूय संद आसा. हातूंतलें एकेक पावल लेगीत इतिहास निर्माण करूंक शकता.
हालींच युनोन गोयांतल्या वेंचिक सुवातांक संवसारीक दायजाचो दर्जो दिला. ताका लागून तांचें म्हत्व वाटलां. डिजीटल युगांत मजकूर बरोवपाची सुवात चड म्हत्वाची. तुमी जर एखादो सिनेमा इतिहासीक कथेचेर काडपाचो थारायला, तर व्हडली संद आसा. खेरीज तुमी बरयतात, ताचेर हजारांनी लोक नदर दवरून आसतात. हाका लागून तुमचे परिश्रम हे सिनेमाक लागतात, तशेच ते इतिहासाक धरून कितें बरयतले ताकाय लागतात. मागीर तो म्हायतीपट आसत वा लघुपट. मेहनत करप हें आमचें कर्तव्य. तुमी जर एखादो किल्लो पर्यटकांक दाखयतात, तेन्ना तुमी सगल्यांचे प्रतिनिधी आसतात. त्या पर्यटकां भितर अभ्यासक लेगीत आपाक शकता.
एखादो जाणकार आसपाक शकतका. तेन्ना सगलें सांबाळून, अभ्यास करून सांगचें पडटा. जर तुमकां इतिहासाचो
बरो अभ्यास आसा जाल्यार भय ना. इतिहासाचो अभ्यास केल्यार तुमी बेकार उरचे नात.
तुमच्या गांवाच्या इतिहासाचे भोंवडेन सुरवात करात. आपल्या आनी दुसऱ्यांच्या गांवां विशीं मेळटा तें वाच्चें, अशे म्हाका तरी दिसता. तुमकां वाचपाक येता ते भाशेंतलीं पुस्तकां वाच्चीं. तेन्ना आतां पसूनच इतिहास वाचपाक लागात.
डाॅ. रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
