भांगरभूंय | प्रतिनिधी
जेरुसलाम, खबरां संस्था ः इझ्रायलाचे प्रधानमंत्री बेंजामीन नेतन्याहू हांच्या खाजगी घराचेर शेनवारा ड्रोन हल्लो केलो. टाइम्स ऑफ इझ्रायलाच्या खबरां प्रमाण हो ड्रोन हल्लो लेबनानांतल्यान सुरु जालो अशें कळटां. हांतूत कोणाक कांय जावंक ना. ह्या वेळार प्रधानमंत्री आनी तांची घरकान्न सारा घरा नाशिल्ली. इझ्रायली लश्करान आनीक दोन ड्रोन आडायले.
इझ्रायल संरक्षण दळान सांगलें, शेनवारा लेबनानांतल्यान इझ्रायलाचेर तीन ड्रोन उडयले. तातूंतलो एक सिझेरिया शारांतल्या इमारतीचेर पडलो आनी ताचे उपरांत लेबनानांतल्यान आनीक दोन ड्रोन उडयले ते उपरांत गिलोट लश्करी तळाचेर अलार्म वाजपाक लागलो. मजगतीं, आयडीएफान आपल्या हवाई संरक्षण यंत्रणेक हो हल्लो आडावंक अपेस आयिल्ल्यान हो हल्लो जालो अशें मान्य केलां. ड्रोन हल्ल्याचो तपास करतात अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
