भांगरभूंय | प्रतिनिधी
कैरो, खबरां संस्था: इजिप्तांतल्या गिझाच्या पिरॅमिड लागसार संवसारांतलें सगल्यांत व्हड संग्रहालय, ग्रँड इजिप्शियन संग्रहालय, शेनवारा जनते खातीर उक्तें जालें.
इजिप्ताचे राष्ट्राध्यक्ष अब्देल फताह अल- सिसी आनी संवसारभराचे फुडारी ह्या उक्तावण सुवाळ्याक हाजीर आशिल्ले. ह्या संग्रहालयाच्या बांधकामा खातीर १ अब्ज डॉलरां परस चड खर्च आयिल्लो.
ग्रँड इजिप्शियन म्युझियमाची सगल्यांत आकर्शक गजाल म्हणल्यार, बाल राजा तुतानखामुनची कबर, १९२२ वर्सा ब्रिटीश पुरातत्वशास्त्रज्ञ हॉवर्ड कार्टर हांणी सोदून काडिल्ले हे कबरींत ५,५०० परस चड कलाकृती आसात. आतां, पयलेच फावट ह्यो सगल्यो वस्तू एकेच सुवातेर लोकां खातीर प्रदर्शीत केल्यात.
तुतानखामून णव वर्सां पिरायेचेर इजिप्तांत सत्तेर आयलो आनी १८- १९ वर्सां पिरायेचेर ताका मरण आयिल्लें. ताचें राज्य इ.स.पूर्व १३३२-१३२३ मेरेन चल्लें. फातर आनी कोयरान लिपिल्ली ही कबर सुमार ३,००० वर्सां लिपून उरिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
