भांगरभूंय | प्रतिनिधी
खबरां संस्था
कानपूरः रोड सेफ्टी वर्ल्ड सिरीज 2022 सर्तींत इंडिया लिजेंड्सान कानपूरांत दक्षीण आफ्रिका लिजेंड्साक 61 धांवड्यांनी हारयलें. स्टुअर्ट बिन्नीन 42 बॉलांत 82 धांवड्याची धडाकेबाज खेळी केली. ते उपरांत राहुल शर्मान 17 धांवड्यांत 3 विकेटी घेवन भारताक जैत मेळोवन दिलें. क्रिकेट मोगीं खातीर सचीन तेंडुलकारान मारील्लो ओव्हर द टॉप शॉट पळोवन सगल्यांत खोशयेचो खीण आशिल्लो.
टॉस जिखून इंडिया लिजेंड्सान पयलीं बॅटींग करपाचो निर्णय घेतलो. सचीनान नमन ओझा वांगडा डावाक सुरवात केली. चवथे ओव्हरींत सचिनान मखाया एनटिनीच्या बॉलार चवको मारलो. एके ओव्हरी उपरांत फास्ट बॉलर योहान व्हॅनडर वॅथाच्या बॉलार ताणे पयले वटले बॅट फिरोवन चौकौ मारलो. ह्यो शॉट पळोनव स्टेडियमाचेर ‘सचीन सचीन’
हो स्वर दुमदुमलो. सचिनान 15 बॉलांत 16 धांवड्यो केल्यो. सुरेश सैना आनी बिन्नीन 64 धांवड्यांची भागिदारी केली. युसूफ पठानान 15 बॉलांत 35 धांवड्यो करून भारताक 20 ओव्हरींत 4 बाद 217 धांवड्यो करपाक मजत केली.
दक्षीण आफ्रिकेच्या ओपनरांनी 43 धांवड्यांची सलामी दिली. राहुल शर्मा आनी प्रग्यान ओझान 12 ओव्हरींत 90 धांवड्यांत दरेकी दोन विकेटी घेतिल्ल्यान आफ्रिकेक हार खावची पडली. तांचो कॅप्नट जॉन्टी र्होड्सान 27 बॉलांत नाबाद 38 धांवड्यो केल्यो. 156 धांवड्यांत आफ्रिकेचो डाव सोपलो आनी तांचें आव्हान सोंपले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
