भांगरभूंय | प्रतिनिधी
पणजी: दोनूय मतदारसंंघांत इंडिया आघाडी उमेदवार निवडीची चर्चा सुरू आसा आनी 4 दिसांंत उमेदवार जाहीर जातलें, अशें विरोधी पक्ष फुडारी युरी आलेमांंव हांंणी सांंगलांं. गोंयांंत इंंडिया आघाडीची बसका बिरेस्तारा रातीं जाली. हाचे उपरांंत तांंणी ही म्हायती दिली.
दक्षीण गोंयांंत खासदार फ्रान्सीस सार्दीन, विरियातो फर्नांडीस आनी गिरीश चोडणकार हांंच्या नांवाची उमेदवारी खातीर चर्चा आसा. उत्तर गोंयांंत आदले केंंद्रीय मंंत्री अॅड. रमाकांंत खलप आनी विजय भिके हांंची नावांं चर्चेत आसात. लोकसभा उमेदवारीचेर इंंडिया आघाडीच्या घटक पक्षांं कडेन चर्चा केल्या. हाका लागून आतां उमेदवार जाहीर करपाक कसलीच आडखळ ना. राज्यांतल्या दोनूय मतदारसंंघांत काँग्रेस उमेदवाराचे जैत निश्चीत आसा. जैता विशीं विस्वास नाशिल्ल्यान भाजपाक दक्षीण गोंयचो उमेदवार जाहीर करप शक्य जावंंक ना, असो आरोप युरी आलेमांंव हांंणी केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
