भांगरभूंय | प्रतिनिधी
भांगरभूंय । खेळां मेज
पणजीः सिएट लिमिटेर आनी इंडियन ऑटोमोटिव्ह रेसींग क्लब (आयएआरसी) हांणी ऑल गोवा मोटरस्पोर्ट्स असोसिएसनाच्या (एजीएमए0 हांच्या जोड पालवान इंडियन नॅशनल ऑटोक्रॉस चॅम्पियनशीप 2023ची दुसरी फेरी आनी चार चारी वाहनां खातीर टायम अटॅक इव्हेंटाची घोशणा केल्या. तो 29 आनी 30 एप्रिलाक फर्मागुडी हांगा गोंय इंजीनिरींग म्हाविद्यालयाच्या मैदानार जातली. बंगळुरू मोटर स्पोर्ट्स आनीी भारतीय राष्ट्रीय ऑटोक्रॉस ताचे प्रवर्तक आसात. आयएआरसीचो संचलाक फराद भाथेना आनी एजीएमएचो अध्यक्ष शर्मद रायतुरकारान पत्रकारांक ही म्हायती दिली.
गोंयांतल्या मोटर स्पोर्ट्स प्रतिभेक उर्बां दिवपाच्या हेतान ही दुसरी फेरी आमी गोंयांत आयोजीत केल्या. सगल्या कार मोगीं खातीरती उक्ती आसतली. मात ते खातीर आयएआरसीचे वेबसायटीचेर प्रवेश नोंदणी करची पडली अशें तांणी सांगलें. ऑटोक्रॉस खातीर फुडले श्रेणांत नांव नोंदणी करपाक मेळटली.- प्रो-एक्सपर्ट: रेसिींग अणभव आशिल्ल्या वेवसायीक ड्रायव्हरां खातीर प्रो-अमेच्युअर : अणभवी पूण वेवसायीक रेसर नात अश्या ड्रायव्हरां खातीर आनी अमेच्युअर (हौशी) : नवशिके आनी रेसिंगांत पयले खेप वांटो घेतले तांचे खातीर.
दरेका गटांतल्या जैतिवंताक आकर्शक इनामां, करंड आनी प्रमाणपत्रां दितले. नांव नोंदणे खातीर आनी चडावत म्हायती खातीर www.iarcindia.com हे वेबसायटीचेर भेट दिवची वा 9980098800, 9820055053 वा 9702211055 ह्या नंबरांचेर आयोजकां कडेन संपर्क सादचो अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
