भांगरभूंय | प्रतिनिधी
पणजी : इंडिगो कंपनीची विमान सेवा विस्कळीत जाल्ल्यान संवसारभरच्या प्रवाशांक आतां मेरेन बरोच फटको बसला. फाटले णव दीस खुबशीं विमान उड्डाणां रद्द जाल्ल्यान प्रवाशांक आपल्या नियोजीत थळार वचप कठीण जालां. तरी आजूनय विमान सेवा सुरळीत जावपाचें नांव घेना. दाबोळी विमानतळार मंगळारा ३७ मदल्या ७ विमानांची उड्डाणां रद्द केलीं. ३० विमानांची सेवा सुरू आशिल्ली.
एका दाबोळी विमानतळार सात विमानांची उड्डाणां रद्द केल्ल्यान प्रवाशांक आडमेळीं निर्माण जालीं. गोंयांत सध्या पर्यटन मौसम सुरू आशिल्ल्यान विमान उड्डाणां रद्द जाल्ल्यान ताकाय फटका बशिल्ल्याचें पर्यटन वेवसायीक म्हणटात.
मजगतीं, १० डिसेंबर सावन विमान सेवा सुरळीत जावपाची आशिल्ल्याची म्हायती कंपनीन दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
