भांगरभूंय | प्रतिनिधी
भांगरभूंय । पत्रक
पणजीः देशांतली मोबायल कक्नेक्टिव्हिटी सक्षम करपाच्या आपल्या धोरणा प्रमाण इंडस टॉवर्स कंपनीन पणजे हांगा उबारल्ल्या टॉवराचें कंपनीचो वेवस्थापकीय संचालक आनी मुख्य कार्यकारी अधिकारी बिमल दयाल हांचे हस्तुकीं उक्तावण केलें. गोंयांत दूरसंचार मुळाव्यो सुविधा 2020चो एक वांटो म्हणून राज्यांतल्या वेगवेगळ्या वाठारांत 155 मोबायल टॉवर मंजूर केल्यात.
पंतप्रधान नरेंद्र मोदी हांच्या डिजिटल इंडियाच्या संकल्पने खाला गोंय डिजिटल क्रांतीच्या मळार पावलां घालता. गोंय स्टर्टअप येवजण, ऑनलायन सेवा पोर्टल आनी शिक्षण मळार कोडींग आनी रोबोटिक्स शिक्षण धोरणाचो परिचय हे सारके उपक्रम राज्यांत डिजिटल इकोसिस्टम तयारेची सुरवात केल्या. ते खातीर मोबायल टॉवर्सांची गरज आसा अशें मुख्यमंत्री डॉ प्रमोद सावंत हांणी सांगलां. इंडट टॉवर्सांक लागून राज्यांतली दूरसंचार सेवा आनीक बऱी जातली अशें तांणी म्हणलां.
आमचो देश डिजिटल इंडियाचे सपन पुराय करपाचे दिकेश वाटचार करता. इंडट टॉवर्साचे वतीन गोंयांत नवी डिजिटल पायाभूत सुविधा उबारतना आमकां खोस जाता अशें कंपनीचो एमडी आनी सीईओ बिमल दयाल हांणी सांगलें. सरकाराच्या जोड पालवान ही सुविधा आनीकूय सक्षम जाल्या. संवसारीक दर्जाची दूरसंचार मुळावी सुविधा तयार करून भारताचे डिजिटल क्रांतीक आनीक सक्षम करपा खातीर कंपनी सरकाराक पुरायपणान तेंको दितली अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
