भांगरभूंय | प्रतिनिधी
इंग्लंड पंगडान पाकिस्तानाचे भुंयेंत टॅस्ट माळेंत क्लीन स्वीप केलें. बेन स्टोक्साच्या फुडारपणाखाला खेळपी इंग्लंडान तिसरी टॅस्ट आठ विकेटींनी जिखली. टॅस्टीच्या इतिहासांत पयले खेपे इंग्लंडान पाकिस्ताना ताचेच भुंयेंत क्लीन स्वीप केलें.
इंग्लंडाक चवथ्या दिसा जैता खातीर 55 धांवड्यांची गरज आशिल्ली. ताणें 2 बाद 112 धांवड्यां वयल्यान मुखार खेळपाक सुरवात केली आनी पयल्या सत्रांतूच जैत जोडलें. दुसऱ्या डावांत ताका जैता खातीर 167 धांवड्यांची गरज आशिल्ली. बेन डकेटान नाबाद 82 आनी स्टोक्सान नाबाद 35 धांवड्यांची खेळी केली. दोगांयनी नाबाद 73 धांवड्यांची भागिदारी करून इंग्लंडाचें जैत निश्चीत केलें.
पाकिस्ताना वतीन अबरार अहमदान निमाण्या डावांत दोन विकेटी घेतल्यो. इंग्लंड आनी पाकिस्तान ह्या पंगडां मदीं 1954 सावन टॅस्ट माळ सुरू जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
