भांगरभूंय | प्रतिनिधी
खबरां संस्था
हैदराबादः इंग्लंडा आडचे टॅस्ट माळे खातीर सुरवातीच्या दोन मॅचीं खातीर भारतीय पंगड जाहीर केलो. विकेटकीपर ध्रुव जुरेलाक टॅस्ट पंगडांत संद मेळ्ळ्या. फास्ट बॉलर आवेश खानान पंगडांतली सुवात राखून दवोरली. दुखापतीक लागून मोहम्मद शामी पयल्या दोन टॅस्टींत खेळचो ना.
उत्तर प्रदेशाचो 22 वर्सां पिरायेचो विकेटकीपर बॅट्समन ध्रुव जुरेल 15 फर्स्ट क्लास मॅची खेळ्ळा. इंग्लंड लायन्स आड भारतीय अ पंगडांत ताचो आसपाव केल्लो. मध्यप्रदेशाचो आवेश खान टॅस्ट पदार्पण करपाक शकता. दक्षिण आफ्रिके आडचे दुसरे टॅस्टींत मोहम्मद शामीचे सुवातेर ताची निवड केल्ली मात तो खेळपाक शकलो ना. आर आश्विन, रवींद्र जडेजा, अक्षर पटेल आनी कुलदीप यादव ह्या चार स्पिनरांचो भारतीय पंगडांक आसपाव आसा.
25 जानेवारी तें 11 मार्च मजगतीं ही पांच टॅस्टीचीं माळ जातली. पयली मॅच हैदराबाद जातली, 2 फेब्रुवारीक विशाखापट्टनम, 15 फेब्रुवारीक राजकोट, 23 फेब्रुवारीक रांची आनी 7 मार्चाक 5 वी टॅस्ट धर्मशाळा जातली. भारत- इंग्लंड हांचे मदी 2021 वर्सा निमणी टॅस्ट माळ जाल्ली. ती 2-2 अशी ड्रॉ जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
