भांगरभूंय | प्रतिनिधी
येजमान इंग्लंड पंगडाचो अॅसेस माळेंत माळेंतल्या पयले टॅस्टीच्या चवथ्या दिसा दुसरो डाव फकत 273 धांवड्यांचेर सोंपलो आनी अशे तरेन ऑस्ट्रेलियेक जैता खातीर 281 धांवड्यांची मोख मेळ्ळी. इंग्लंडा वतीन दुसऱ्या डावांत जो रूट आनी हॅरी ब्रुक हांणी दरेकी 46 धांवड्यो केल्यो. बेन स्टोक्सान 43, जॉनी बॅयरस्टोनान 20 जाल्यार मोईन अलीन 19 धांवड्यो केल्यो. दुसऱ्या डावांत ऑस्ट्रेलिये वतीन पॅट कमिन्स आनी नॅथन लायॉन हांणी दरेकी 4 विकेटी घेतल्यो. जोश हेझलवूडान आनी बोलॅण्डान एकेक विकेट मेळयली.
ते पयलीं इंग्लंडान दिसाच्या पयल्या बॉला सावन आक्रमक बॅटींग करपाची रणनिती आपणायली. ताका लागून जेवणाच्या विसवा मेरेन 155 धांवड्यांचेर तीन विकेटी घेवपाक ऑस्ट्रेलियेक येस मेळयलें. जो रुटान खेळाक सुरवात जायना फुडें इंग्लंडाचे रणनिती विशीं इत्सा उक्तावन दाखयली. पूण, लायनाच्या बॉलाचेर तो स्टम्प बाद जालो. टॅस्ट कारकिर्दींत तो पयलेच खेपे स्टम्प बाद जालो. ते उपरांत थारावीक अंतरान विकेटी पडत गेल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
