भांगरभूंय | प्रतिनिधी
खबरां संस्था
नवी दिल्लीः भारता आड 25 जानेवारी सावन सुरू जावपी 5 टॅस्ट मॅचीचे माळे पयलीं इंग्लंड पंगडाक व्हडलो धपको बसला. तांचो स्टार बॅट्समन हॅरी ब्रूक भारता आडचे हे टॅस्ट माळेंत वांटेकार जावचो ना. वैयक्तीक कारणाक लागून तो परत इंग्लंडाक वता. तो परत भारतांत येवचो ना अशें इंग्लंड आनी वेल्स क्रिकेट मंडळान (ईसीबी) एके निवेदना वरवीं जाहीर केलां. ब्रूकाच्या बदलीची घोशणा अजून मंडळान करूंक ना. मात ताचे गैरहाजेरेंत इंग्लंडाच्ा बॅझबॉल शैलीक फटको बसतोलो.
हॅरी ब्रूक वैयक्तीक कारणाक लागून परत इंग्लंडाक वता. ताच्या घरच्यान कारण उक्तें करचें न्हय अशें आवाहन केला. ताचें कुटूंब आनी ताचे वैयक्तीक जिणेत हस्तक्षेप करचो न्हय अशी आमची इत्सा आसा. ब्रूकाचे सुवातेर कोण घेतले हे रोखडेंच जाहीर करतले अशे ईसीबीन म्हणलां. ब्रूक व्हो इंग्लंडाच्या मदले फळयेंतलो सगल्यांत म्हत्वाचो खेळगडो आसा. टॅस्ट मॅचींत पदापर्ण करीत सावन तो चर्चेंत आसा. ताचे कडेन क्रिकेट संवसारांतो व्हडलो स्टार म्हणून पळयतात. ताणे आतां मेरेन 12 टॅस्ट मॅची खेळून 1181 धांवड्यो केल्यात. ह्या वेळार ताची सरासरी 62.16 अशी आसा. ताच्या नांवार 4 शेंकडे आनी 7 अर्द शेंकडे आसात. हॅरी ब्रूकान आयपीएलाच्या 17व्या सिझना खातीर दिल्ली कॅपिटल्सान 4 कोटी रुपयांत विकतें घेतलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
