भांगरभूंय | प्रतिनिधी
भांगरभूंय । प्रतिनिधी
बोरयेः बोरये सम्राट क्लबान आयोजीत केल्ले एकोडी नाच सर्तींत आस्था देविदास हिका 3 हजार रुपयाचें पयलें इनाम फावो जालें. दुसरें 2 हजारांचें इनाम संघवी नायक आनी 1 हजार रुपयाचें तिसरें इनाम खुशी ठाकूर हिका मेळ्ळें. दरेकी 800 रुपयांची उमेद वाडोवपी इनामां तनिषा वळवयकार, शर्मद प्रभुदेसाय आनी जिविका नायक हांका दिलीं.
समूह नाच सर्तींत 6 हजार रुपयाचें पयलें इनाम शिरोडें हांगच्या बालभवन केंद्राक फावो जालें. 5 हजार रुपयाचें दुसरें इनाम सिनियर स्कॉड आगापूर- दुर्भाट आनी 4 हजारांचे इनाम जय हनुमान- पाणीवाडा- बोरये हांका मेळ्ळें. ही इनामां सूरज मोरजकार हांणी पुरस्कृत केल्ली. करंड सुंदर ट्रेडर्स हांणी पुरस्कृत केल्लें.
इनाम भेटवण कार्यावळीक सम्राट क्लब इंटरनॅशनलाचे राज्य एकाचो अध्यक्ष शैलेश बोकार, सम्राट क्लब बोरयेचो अध्यक्ष पंच वांगडी जयेश नायक, चंद्रहास नायक, भारती नायक, चंद्रकांत नायक, विनायक भेंडे, राजेंद्र नायक, सुंदर प्रभुदेसाय, वैभवी नायक हाजीर आशिल्ली. ताचे हस्तुकीं इनामां भेटयलीं. प्रतिभा नायक, साक्षी पंडित हंणी सर्तीचें परीक्षण केलें सर्तीचें उक्तावण श्री नवदुर्गा संस्थानाचो अध्यक्ष शाम प्रभुदेसाय हाणे दिवली पेटोवन केलें. नमेश वर्देन येवकार दिला आनी अपसर शेखान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
